南海一號

營業中

休息中

如題。早三星期係OpenRice 訂位時已寫明母親生日，希望能安排窗邊位，收到電郵回覆已收到訂座要求。點知當晚安排坐路中心枱，但全層我地係第二枱客人，要求轉窗邊位話已經訂座，難到呢間要早兩個月訂位？眼見餐廳窗邊枱中間放膠隔版，比人搭枱用。想同屋企人好好享受都唔得，呢下扣三十分。睇完餐牌決定叫兩個蟹餐加另外兩個套餐，樓面話蟹要早一日預訂。但係早一日冇人打電話確認訂位，我又點知要預訂。最後叫兩個套餐同散叫一隻大蟹，又話果隻蟹冇，即係其實咩蟹都冇。扣十分。Wine list 睇岩一種白酒，冇貨；唯有簡第二種白酒，過幾分鐘有個外籍人士過黎：冇貨。不如簡其他款。使但啦生日都係想慶祝下，有得飲就得，最後問佢邊枝有貨先簡到。扣十分。魚翅羹既溫度係再唔飲就凍既程度，扣五分。食牛排只比筷子。仲比樓面反問：你要刀叉呀？食燒鵝，唔比手套，要問第二次先有。呢兩樣共扣五分。剩低既食物不過不失，唔算特別好食，但由於服務態度已經扣左五十分既緣固，唔會再幫襯。