URBAN Cafe (駱駝漆大廈第一座)

營業中

休息中

第一次去貓貓café 以往都聽人講 都話啲野食係一般般 什至唔好食 但食過之後其實又唔係咁差 啲貓貓亦好乖 好識同人玩 雖然食物質素一般 但有咁多貓圍住 都好幸福 我地叫左2人套餐 加碟意粉-主食-1. 即磨芝士黑松露菠菜大啡菇忌廉意大利飯 ❤️2.安格斯牛肉手工竹炭漢堡配薯條 ❤️❤️3.三重芝士肉醬意大利麵❤️❤️❤️-飲品-百香果雲朵沙冰❤️❤️❤️3個主食 最差係個三重芝士意大利麵 啲意粉過硬 個醬亦冇乜茄味 另外個安格斯牛肉手工竹炭漢堡配薯條 可能因為個包係竹炭 所以冇咩特別味道 個安格斯牛肉扒個口感有啲似超市買既急凍漢堡扒味 但薯條係好食既👍🏻👍🏻👍🏻最後係即磨芝士黑松露菠菜大啡菇忌廉意大利飯 算係最好既一個 如果黑松露味可以再重啲就更好而個百香果雲朵沙冰都幾好飲 但佢本身都幾甜 叫少甜會比較好 而且個百香果味會更突出