雲家小鍋米線 (328廣場)

平日夜晚去食，店內食客眾多，要同人搭枱，座位之間距離狹窄，坐得不是很舒服，叫了小鍋米線，配菜選擇了墨魚頭和豬軟骨，就中伏了。

認真從來未食過咁差嘅豬軟骨，三塊豬軟骨竟然係可以一條軟骨都無，全部係硬實嘅骨頭，以為肉眼睇係錯覺，食咗一塊，好彩無用力咬，如果唔係牙都崩。真係完全無一條骨係腍嘅，咁樣都叫豬軟骨，唔係呀嘛⋯⋯

向店員反映，嘗試要求換另一款同價配料，她問我係咪都要返豬軟骨，當然唔要，轉了台灣腸，用小碗裝了三條上菜，但竟然係凍嘅，真係嬲，無下次！

豬軟骨

豬軟骨