深仔記

M先生話靚仔髮型師原來對食物好有要求，我都信，佢介紹嘅一平安拉麵好得。剪完髮問佢推介店，佢話呢個鐘數區內要比較好，係深仔記，主要因為個生菜好味道，細蓉普通。

我要咗細蓉、腐乳通菜。

細蓉個麵唔算好彈又有啲鹼水味，個湯底仲擺明有落味精，雲吞就正常bite-sized幾爽口咁，整體okay啦。

但菜真係得，阿姐自己見到比錯咗蠔油，唔比廚房拎嚟拎去，要阿叔直接比多碟腐乳我，服務好細心👍

通菜固然因為剛落雨又新出，料靚。但錯有錯著，蠔油肯定有落少少豬油撈，帶甜又香😋，腐乳夠味帶微辣，但也被比下去。