影片
更多
2023-05-28
30 瀏覽
星期日瞓到自然醒，食完早餐就過嚟西灣河買餸。路經太安樓，入去打個白鴿轉，見到雞蛋仔檔對面開咗間「一豚豬手專門店」。駐足細看，玻璃櫃放滿了林林總總的豬手和滷水小食，價錢唔貴，而且賣相十分誘人，一於買番兩份返去試一試。 豬手有 3 種口味，即叫即切，揀咗招牌黑椒豬手 ($98/隻)，豬手以黑椒同醃，焗好後再火炙，外皮食落好爽身，Q彈有嚼感，肉質柔軟嫩滑，入口帶濃郁黑椒香氣，微辛不辣，令人食指大動。店員很細心，包裝時還附上酸辣汁同豬手骨，前者可以用嚟沾豬手吃，非常醒胃；而後者就可以用嚟煲粥，特別惹味！另外呢份大阪燒脆腩 ($59/半磅) 水準亦一流，廚師將中式燒肉做法與日式叉燒結合，外皮超爆脆，腩肉軟嫩又不肥膩，咸度亦啱啱好，毋需蘸任何醬汁吃，已非常美味。以後想斬料加餸又多個好選擇了！
星期日瞓到自然醒，食完早餐就過嚟西灣河買餸。路經太安樓，入去打個白鴿轉，見到雞蛋仔檔對面開咗間「一豚豬手專門店」。
駐足細看，玻璃櫃放滿了林林總總的豬手和滷水小食，價錢唔貴，而且賣相十分誘人，一於買番兩份返去試一試。 
豬手有 3 種口味，即叫即切，揀咗招牌黑椒豬手 ($98/隻)，豬手以黑椒同醃，焗好後再火炙，外皮食落好爽身，Q彈有嚼感，肉質柔軟嫩滑，入口帶濃郁黑椒香氣，微辛不辣，令人食指大動。
店員很細心，包裝時還附上酸辣汁同豬手骨，前者可以用嚟沾豬手吃，非常醒胃；而後者就可以用嚟煲粥，特別惹味！
另外呢份大阪燒脆腩 ($59/半磅) 水準亦一流，廚師將中式燒肉做法與日式叉燒結合，外皮超爆脆，腩肉軟嫩又不肥膩，咸度亦啱啱好，毋需蘸任何醬汁吃，已非常美味。
以後想斬料加餸又多個好選擇了！
張貼
