蠔灣 (金巴利道)

營業中

休息中

之前係呢間蠔灣堂食唔錯，屋企人講起好想食生蠔，於是就想比佢地試下，幫襯左到店自取外賣生蠔海鮮拼盆，不得不說呢間既生蠔真係媲美高級餐廳水準，仲係直接從法國蠔場直接入口生蠔，真心高質雖然係外賣但擺盤都超靚，入面仲有 LED 燈做裝飾，一開成碟發哂光，超型。個包裝都好方便，一開就可以做埋台布，食完包埋就 dum 得，不過為左影相打卡，都係張個盤拎左出台度可以自選拼盆內容同數量，因為屋企人少少，同埋主要想食生蠔，所以主打打都係生蠔，同加左少少阿拉斯加長腳蟹腳同北海道帶子，都叫食到三個國家既美食生蠔係即買即開，拼盆係由店員推介，由淡味開始食到去濃味，所有生蠔都好新鮮鮮甜，又大隻又勁 juicy , 夠哂嫩滑肥美，超正，屋企人都大讚仲有檸檬汁同茄汁配埋，價錢好合理仲有阿拉斯加長腳蟹腳，已經開好哂，岩哂我呢 d 懶人食，一拎起就見到勁多蟹肉，回哂本加埋北海道帶子，超大粒好厚肉，口感細嫩夠高質，份量都好足上次食過堂食已經覺得好出色，估唔到外賣都咁有驚喜，係屋企想食新鮮高質生蠔同海鮮，可以諗下蠔灣，仲可以打電話同 download 佢地個 app 黎落 order , 真係幾方便，下次開大餐一定會再嗌