南大門

營業中

休息中

同事就嚟升職 ，梗係要食餐好嘅賀一賀 ，於是我哋七個人一齊嚟到鯉魚門食海鮮餐，但入面有咁多間海鮮鋪 ，我哋就係openrice度睇下有邊間好推介 ，跟住見到呢間南大門好多人推介，咁就決定今日試一試佢啦。一入度餐廳真係一種五星級酒店嘅感覺，不但 裝修有格調 而且仲係180度還海而建，係呢個環境食海鮮真係冇得輸，坐低後我地幾個黐餐當然要出去揀啲靚海鮮比大家食啦，其中最深刻係買咗啲拳頭咁大隻嘅鮑魚， 巨無霸咁大嘅蟹，買完海鮮返嚟當然係叫經理攪掂啦(食我就叻，煮法佢地醒) 。講咗有啲咩食先， 豉椒蟶子， 椒鹽鮑魚， 椒鹽魷魚，美國龍蝦伊麵， 招牌奄仔蟹同石斑兩味，講真樣樣都又好味又野味，吾怪得咁多人推介，如果係都要我揀最好味個兩樣就一定係招牌奄仔蟹同美國龍蝦伊面，因為佢隻龍蝦真係又大隻又啖啖肉，同平時酒樓果啲真係冇得比，5星推薦！而招牌奄仔蟹 除咗個size大到好似巨無霸咁 ，一切開佢中間，望到佢嗰啲肉同蟹膏簡直係多到可以迫爆個蟹殼，咬落去果下只可以用鮮甜正嚟形容，呢個簡正係6星星推介，必食之選。