櫻壽司和風料理 (已結業)

又是加班的日子，既然辛苦工作，當然要對自己好D，所以叫外賣魚生飯慰勞一下自己！我叫咗雜錦魚生定食！（$78）呢間壽司店嘅魚生飯一向不錯，價錢亦相宜！不過無外賣送貨，我預早打電話去，然後自己去攞，慳返D時間！電話中我特別提出要豉油碟！因為呢間外賣嘅豉油係倒埋一樽比我們，我們六個飯，食嘅時間未必一齊，會無咁方便，可惜都無比到！要我們響公司自己搵D兜仔分豉油！個雜錦魚生飯，用發泡膠碗，裡面有三文魚，呑拿魚，䲞魚，八爪魚，蟹柳，帶子，甜蝦，加一堆飛魚子，魚生不規則形狀，厚切，份量好足，另有子薑同washabi一團，魚生好新鮮，飛魚子卜卜脆，飯唔係白飯，加咗D壽司飯味粉，好香口，好味道！麵豉湯夠熱，不過係即沖貨色，同事話淡，但我覺得正常！去取飯時仲未做好，坐低等咗5分鐘，店內不大，不過亦乾淨企理，D侍應態度幾好，問我們要不要茶！鍋心！亦好爽手！外賣自取有折頭！不錯！