濠客蒸氣海鮮 (已結業)

最近愛上咗食蒸氣海鮮粥底鍋，見openrice上評價呢間元朗濠客蒸氣海鮮唔錯就去食下。發現佢餐牌上不同種類套餐都有唔少份量o既海鮮，幾抵食下，以我揀的黃金套餐為例，提供了奄仔蟹+海蝦+澳洲龍蝦+澳洲青口+鮑魚+元貝+北寄貝+象拔仔+蔬菜籃+瑤柱粥底+汽水，每人有一盤而且每款海鮮都大大件好新鮮，特別係蟹肉蟹膏有好多，龍蝦有膏之餘肉質又夠彈牙，鮑魚好有口感，帶子夠哂甜，做出來o既南瓜瑤柱粥底都特別鮮甜好味，係我暫時食過o既粥底海鮮鍋性價比比較高的一餐。而且環境方面，見餐廳比較新，各樣設備都比較新，衛生清絜方面做得好好。服務員方面，每事都好主動，招呼週到，留下印象不錯，下次可以再帶其他朋友過來食下。