90
0
0
港鐵元朗站 A 出口, 步行約12分鐘 繼續閱讀
電話號碼
68701440
營業時間
今日營業
12:00 - 23:45
00:00 - 00:30
星期一至日
12:00 - 23:45
00:00 - 00:30
公眾假期
12:00 - 23:45
00:00 - 00:30
公眾假期前夕
12:00 - 23:45
00:00 - 00:30
付款方式
AlipayHK 支付寶 現金
座位數目
60
其他資料
網上訂座
電話訂座
賞訂座積分
當面支付
有關獎賞計劃
食評 (93)
等級4 2019-11-02
15 瀏覽
呢晚同朋友飯聚, 想食海鮮又可以坐得耐啲嘅,  於是到了位於元朗雞地的<濠客蒸氣海鮮>,  之前家人食過1次很推介,  而且蒸海鮮會較健康又鮮味, 今次我嚟試試喔!呢度有幾個套餐可選, 價錢每位$298起, 見呢款套餐都幾多野食, 一於揀呢個啦~ 每人送1罐汽水或檸檬茶~ 老闆娘先放瑤柱粥底,  再係上面放蒸籠慢慢蒸,  每次都係由佢幫我地放海鮮落去蒸, 服務很好! 海鮮全部都很新鮮美味~ 奄仔蟹好多糕, 味道鮮甜, 龍蝦多糕,  肉質彈牙! 鮑魚也是新鮮彈牙,  北海道元貝爽口有鮮味,  象拔蚌仔和貴妃蚌都幾大隻,  海蝦啲肉也很結實~蒸完海鮮再蒸蔬菜, 營養均勻,  南瓜很甜美~ 待所有海鮮的汁液滴落去瑤柱粥底度,  令粥底更加美味!  老闆娘還會加入冬菜, 芫茜等一起調味~ 呢次食到美味又健康嘅蒸海鮮,  很滿足呢! 繼續閱讀
(以上食評乃用戶個人意見 , 並不代表OpenRice之觀點。)
幾年前去台灣同朋友食過蒸氣海鮮一次,返左香港之後都好似無食過。今日同my dear💗入元朗yoho行街,記得以前中學👭果時成日係雞地果邊消磨時間,發現呢一間食蒸氣海鮮火鍋,就入去回憶一下呢5年既生活。我地叫左$298果個套餐,始終第一次黎呢間食, 試下先。😋😋龍蝦膏🦞唔係話好多。但係D肉真係好甜! 用隻叉一撩D肉就即刻起,咁多款入面我最欣賞就係呢一樣。再黎就係鮑魚,元貝、貴妃蚌之類。平時係出面食都係撈左豉油,因為呢度係蒸既,所以食到佢地既鮮味,而且全部都洗得好乾淨,完全無沙,值得加分!當我地食得愈耐...位置上既蒸氣就愈多,影出黎既相都開始充滿蒸氣!😝隻奄仔🦀真係好多軟膏,心急的我一口咬落去,食到成嘴都係,my dear話我個嘴又紅又綠,抹左佢又好浪費😂因為成餐都係蒸既,所以全部海鮮既鮮味都食得到☺食完一輪海鮮,最後就食撈左海鮮精華既粥啦!My dear落左菜甫, 成個粥都好鮮甜🤩,不過可能我地食得慢,滴得太多精華落去,水左少少,對於2個女仔黎講,呢個份量係岩岩好,食埋粥就太多了。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-03
615 瀏覽
今日去元朗老友屋企玩,離開元朗前食埋晚飯先,原本想食嗰間已經不在,老友知我哋鍾意試新嘢,推薦呢間鳳攸南街嘅蒸海鮮。店舖內籠唔算好大,勝在乾淨企理坐位幾闊落,枱面放咗樽檸檬水,仲有齊食海鮮嘅工具。我哋叫咗$288一位,有8款海鮮嘅套餐,套餐仲包瑤柱粥底同汽水。落完單,店員就送上調味架,按自己喜好去選擇調味,仲有一碟拍青瓜,可以醒醒胃。店員首先拿來粥底材料,倒入蒸氣鍋內,有瑤柱、南瓜粒、白米。然後,海鮮來了,每人有奄仔蟹1隻、澳洲龍蝦半隻、鮑魚1隻、北海道元貝1隻、南海貴妃蚌1隻、大蜆1隻、象拔蚌仔1隻、海蝦2隻。店員幫我哋放埋落蒸鍋,夠鐘就過來熄火,好服務。龍蝦要蒸9分鐘,蒸嘅時間啱啱好,每人有半隻,肉質彈牙美味。跟住到我嘅至愛出場,每人有一隻奄仔蟹。奄仔蟹都幾大隻,蟹膏爆到瀉,蟹膏香軟滑溜,回味無窮!蟹肉肉質結實鮮美。跟住將蒸煮時間相約嘅一齊放,鮑魚鮮甜彈牙又唔韌,正呀!😋北海道元貝同海蝦又鮮又爽,好食😁跟住就係貴妃蚌、大蜆同象拔蚌仔,三樣都鮮甜味美,正呀😋食完海鮮,輪到蔬菜嘞,香甜嘅南瓜同清甜嘅粟米好好食,腍甜嘅娃娃菜亦都唔錯呀。最後,就到精華匯聚嘅南瓜粥,南瓜粥口感綿綿,好鮮甜,食到捧住個肚。整體食材新鮮,價錢相宜,抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-02
329 瀏覽
早前帶婆婆到元朗吃過蒸海鮮,老人家對此念念不忘,不時提起,於是便預訂了元朗的濠客,準備帶她去吃個痛快。 果然,她看到門面已經十分雀躍,好奇今晚會吃到哪些海鮮。 我們的胃納均不是很大,所以選了每位$288的黄金套餐,每人有奄仔蟹1隻、澳洲龍蝦半隻、鮑魚1隻、北海道元貝1隻、南海貴妃蚌1隻、象拔仔1隻、海蝦2隻、澳洲青口、蔬菜籃、瑶柱粥底、汽水一罐。婆婆看到海鮮盤送來時,雀躍地教導我如何辨識海鮮怎樣才算肥美,是否新鮮等...由於澳洲青口缺貨,以大蜆頂上。 瑶柱粥底有兩款:粟米和南瓜,選了南瓜。 我們不喝汽水,所以也沒點選。店員幫忙把相同蒸煮時間的海鮮放進鍋裡,蒸好後,會過來幫忙打開鍋蓋,服務不錯。龍蝦新鮮又厚肉,店員調較的蒸煮時間掌握得剛好,肉質爽口彈牙不會老,鮮甜啖啖肉,不醮醬汁已經好好味!當我們在吃第一輪食物時,店員又開始蒸第二輪海鮮了。海蝦肉質爽彈,味道鮮甜。鮑魚軟腍有咬口,鮮味濃郁!元貝大大粒,廚師細心把貝柱切開,加上蒸煮時間剛剛好,肉質爽甜,好味!奄仔十分肥美,蟹膏非常澎湃,甘香軟滑,入口柔軟細膩,肉質結實又鮮味,好好味啊!第三輪海鮮又出爐了!貴妃蚌、大蜆和象拔蚌仔都好鮮甜,讚!蒸海鮮一波接一波,臨近尾聲,是時候吃點蔬菜幫助消化嚕。蔬菜籃有粟米、娃娃菜和南瓜,全都新鮮清甜,吃菜有益健康啊!在蒸海鮮之前,店員已經把南瓜、瑶柱和米放入蒸鍋底部,瑶柱南瓜粥匯聚各式食材精華,非常鮮味,店員送上菜甫蓉,放進粥裡一起吃,更好味!好開心和婆婆過了一個非常愜意和滿足的晚上,真不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-13
436 瀏覽
今晚長途跋涉入元朗和老友們食dinner, 佢地知我鍾意食海鮮,尤其係蟹,所以帶我來濠客。Menu的選擇有特惠套餐$198, 黃金套餐$288, 鑽石套餐$388, 還有2人$888和4人套餐$1680今晚我們4人選了黄金套餐(每位$288), 包奄仔蟹1隻,澳洲龍蝦半隻,鮑魚1隻,北海道元貝1隻,南海貴妃蚌1隻,象拔仔1隻,海蝦2隻,帶子1隻和蟶子1隻,蔬菜籃,瑶柱粥底和每人一罐汽水未蒸海鮮前,店員首先把南瓜,瑶柱,菜甫和米置於蒸鍋鍋底,當所有海鮮蒸完後,新鮮味美的瑶柱南瓜粥就可以出爐首先蒸我最喜愛的奄仔蟹,店子用了菲律賓奄仔,真係又大隻大肥美!一人一隻蟹唔使同人share超開心!奄仔蟹蟹膏甘香軟滑,入口柔軟細腻,滿口膏香!肉質鮮甜細嫩,好好味呀!簡直齒頰留香!澳洲龍蝦肉質細嫩爽脆,味道鮮美香甜,雖然每人只有半隻,但真係啖啖肉,非常美味!海蝦肉質爽甜彈牙,帶海水的鹹鮮味,正呀!鮑魚肉質飽滿 ,柔軟富彈性,鮑味濃郁!北海道元貝嫩滑爽甜,圓大飽滿,鮮味濃郁!南海貴妃蚌和象拔仔都鮮甜爽口,正帶子肉質彈牙鮮甜,蟶子雖然不算大但還算嫩滑蔬菜籃有粟米,秋葵,娃娃菜和紅蘿白,新鮮清甜,非常健康!最後食埋熱辣辣,綿密又充滿海鮮鮮甜味的瑶柱南瓜粥真是非常飽足! 繼續閱讀
(以上食評乃用戶個人意見 , 並不代表OpenRice之觀點。)