415
5
2
等級4
101
0
2018-05-18 78 瀏覽
又到相識週年紀念日, 老公仔又會帶我食好野! 好期待既呢 今年去邊呢? 原來佢見我上年去過磯野水產,話好好食,所以帶我再去! yeah…老公好錫我既呢!磯野最出名一定係食濱燒,不過咁耐去,發覺menu多左好變化,除左濱燒之外,仲有好多正野食! 今晚既主題,老公話叫下其他野試!不過磯野出名既前菜,就不能不食! 新鮮野菜 (青瓜/甘荀/沙葛/西芹/生菜), 點配特調既醬,真係好特別! 個醬用多春魚+沙甸魚調埋一齊,好有鹹香既魚味,胃口即係大開!雖則有個前菜,但都想食下其他沙律,所以叫左個滑子菇黑松露蟹肉salad! 講真黑松露配沙律,都係第一次試,咁濃味既黑松露點配新鮮既沙律呢? 但食過又出奇地prefect喎! 可能落左d醋同橄欖油,配埋野菜同蟹柳咁食,黑松露陣味令整體味道更fresh!食完沙律,老公話紀念日又點可以無酒呢! 所以我地決定開支sake! 好開心啊,大吟釀真係my飛忽架! 今次店長介紹左支甜甜地,比較清既sake比我地- 七本倉,話配濱燒同海鮮就最啱啦,飲落好清好甜,正!飲sake又點可以唔食刺身啦? 今次叫左甘目鯛,魚皮有輕輕火灼,聞落非常之香,魚生厚切,鮮甜肥美就唔在講
更多
又到相識週年紀念日, 老公仔又會帶我食好野! 好期待既呢
今年去邊呢? 原來佢見我上年去過磯野水產,話好好食,所以帶我再去! yeah…老公好錫我既呢!

磯野最出名一定係食濱燒,不過咁耐去,發覺menu多左好變化,除左濱燒之外,仲有好多正野食! 今晚既主題,老公話叫下其他野試!


不過磯野出名既前菜,就不能不食! 新鮮野菜 (青瓜/甘荀/沙葛/西芹/生菜), 點配特調既醬,真係好特別! 個醬用多春魚+沙甸魚調埋一齊,好有鹹香既魚味,胃口即係大開!
前菜配多春魚+沙甸魚醬
9 瀏覽
0 讚好
0 留言


雖則有個前菜,但都想食下其他沙律,所以叫左個滑子菇黑松露蟹肉salad! 講真黑松露配沙律,都係第一次試,咁濃味既黑松露點配新鮮既沙律呢? 但食過又出奇地prefect喎! 可能落左d醋同橄欖油,配埋野菜同蟹柳咁食,黑松露陣味令整體味道更fresh!
滑子菇黑松露蟹肉沙律
3 瀏覽
0 讚好
0 留言


食完沙律,老公話紀念日又點可以無酒呢! 所以我地決定開支sake
! 好開心啊,大吟釀真係my飛忽架! 今次店長介紹左支甜甜地,比較清既sake比我地- 七本倉,話配濱燒同海鮮就最啱啦,飲落好清好甜,正!
2 瀏覽
0 讚好
0 留言


飲sake又點可以唔食刺身啦? 今次叫左甘目鯛,魚皮有輕輕火灼,聞落非常之香,魚生厚切,鮮甜肥美就唔在講啦! 不過食甘木鯛,配杯sake,酒既甘甜令魚身既鮮味更加特出! 好~好~味啊

甘目鯛刺身
7 瀏覽
0 讚好
0 留言


食完刺身,就想食返d燒物,黎磯野又點可以唔叫濱燒呢? 今次叫左北寄貝同白貝! 當然,唔少得燒之前要相機先食啦! 隻隻都好大隻,好飽滿咁, 流口水啊…
6 瀏覽
0 讚好
0 留言


濱燒白貝 - 白貝既肉好嫩,隻隻都好飽滿! 好鮮甜,濱燒配埋清酒一齊燒,貝汁加埋清酒,仲更加香!
濱燒白貝
7 瀏覽
0 讚好
0 留言


至于燒北寄貝呢,味道就更正,北寄貝比較彈牙,有咬口,鮮甜味更豐富! 層次又係比白貝高一個level! 好好食,配埋昆布一齊燒,連個汁都清甜,當連汁都撈埋!
濱燒北寄貝
3 瀏覽
0 讚好
0 留言


今次唔係主打食濱燒,所以叫左其他燒物食! 店長推介 - 一夜干雞翼! 以為係普通燒雞翼?No, no, no…無咁簡單! 話明店長推介,一定係something special! 原來"一夜干"既意思係先將雞翼風干一晚,然後先燒,所以雞皮更香脆,但又唔係炸果隻脆,好特別!
一夜干雞翼
7 瀏覽
0 讚好
0 留言

咬完一啖,真係索索聲勁脆架,但係入面d肉仲好嫩滑,真非一般既燒雞翼,yummy

6 瀏覽
0 讚好
0 留言


主食 - 今次想食下燒牛肉! 店長話今次既牛小排好嫩,建議燒鹽就正啦! 聽落好似好正咁,一于叫呢味鹽燒牛小排! 上碟果下見到一塊塊牛小排, 外脆內裡是嫩嫩既粉紅色! 但最估唔到既係,配上味噌辣椒一齊食,味道無得頂喎

鹽燒牛小排
4 瀏覽
0 讚好
0 留言


除正牛小排,當然仲叫左老公最愛既燒魚啦! 今次就叫左個西京燒鱈魚鮫。鱈魚真係好滑,西京燒真係好香,鱈魚表面好香濃,配埋沙律醬食就仲正啦!
西京燒鱈魚交
4 瀏覽
0 讚好
0 留言


終於食完咁完美既餐紀念日飯,好飽飽,好滿足! 不過又點可以少得飯後甜品呢? 我叫左至愛既柚子雪芭,酸酸地,好清新! 用來作為成晚既ending就最適合不過啦!

柚子雪芭
3 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
前菜配多春魚+沙甸魚醬
滑子菇黑松露蟹肉沙律
甘目鯛刺身
濱燒白貝
濱燒北寄貝
一夜干雞翼
鹽燒牛小排
西京燒鱈魚交
柚子雪芭