夢の丼 (已結業)

餐牌清楚列明每種刺身丼飯嘅食材，可以按自己嘅喜好揀食邊一個丼飯，唔需要估估下～夢之丼🥢夢之丼集合帆立貝、牡丹蝦、海膽、蟹肉、三文魚子等多款刺身，刺身嘅質素唔錯，牡丹蝦嘅蝦肉甜美細綿👍其中一個特別之處係食帆立貝嘅時候可以加少少橙醋，橙嘅香甜令帆立貝嘅鮮味更為突出🍊花錦魚生丼🥢花錦丼就有三文魚、八爪魚等嘅角切魚生，用料十分豐富，面頭嘅蟹膏豆腐滑嫩而且夠蟹膏味，出面比較少見。我地另外叫咗磯燒帶子、鮑魚、深海池魚同埋石垣貝估唔到師傅將依幾樣食物咁精心呈現出嚟，賣相已經加咗唔少分😍味道亦不俗，鮑魚肉質柔軟、一啲都唔韌，帶子表面燒得焦香裏面半熟，口感一流😋丼飯搭配嘅沙律同埋麵豉湯，不過不失👌火炙右口魚邊壽司🍣上面加咗木魚絲，火炙後引出右口魚邊嘅油香，不過醬油亦比較濃味