船皇 (謝斐道) (已結業)

前幾日同朋友去銅鑼灣買嘢，知道附近有一間好出名嘅越南餐廳，就係呢間船皇，見到網上好多好評，於是就同朋友來試試啦。呢間係黃店，見面店舖裏面有隻Pepe。一坐低，見到Menu上面嘅升級優惠，點船皇湯麵加$1 就可以升級做和牛，望落去咁抵又咁吸引，所以同朋友馬上就點左呢一碗。配料有牛腩，牛肉片，牛肉丸，雞絲，雞翼，豬肉，豬肉丸，豬潤，好似好豐富，但份量偏小，男仔食一定唔夠。至於味道，湯底由碎咗嘅豬潤混合一齊，變得非常濃郁，好好飲。和牛係半熟，粉紅色剛剛好，入口軟淋，有越南嘅味道。但係份量真係唔夠，我可以食三碗。不過見係黃店，下次都會幫襯。