影片
更多
2008-07-22
30 瀏覽
今日同事生日就同佢去咗君怡食lunch buffet慶祝. 可能因為我一早book 咗位, 又或者黎過幾次個餐廳經理認得我哋, 所以比咗個好方便攞嘢食嘅位我哋.真係好人啦.雖然係lunch buffet但係啲食物都好豐富, 有冷盤, 沙律, 熱盤, 壽司, 魚生, 甜品等等. 因為都有好多選擇, 每款試少少都已經可以好滿足. 啲沙律加冷盤已經有四、五款, 所以減肥又想食buffet 嘅人都好啱黎試. 啲魚生好新鮮, 壽司就做得好出色, 新鮮之餘啲飯唔會散.我自己嘅必食推介係川芎白芷燉魚頭湯(逢星期二先有), 我仲問咗經理, 原來逢星期五又會有沙魚骨燉湯, 真係必試, 清甜好飲. 仲有咖喱牛肉, 可以配飯或薄餅, 好香又好味. 另外, 雞肉串燒 、喇沙湯米粉 、蒸陳村粉都係必食推介. 除咗必食推介之外都仲有其他三、四款熱盤.最後食埋我至愛嘅甜品真係滿足滿足. 今日有我最鍾意嘅士多啤梨千層餅, 餅好脆好薄, 啲吉士做得好滑加埋士多啤梨粒粒, 好味. 仲有, 麵包布甸都值得一試, 好香滑. 其他甜品唔止賣相靚味道都好好, 包括啫喱糖、班戟、杯仔布甸、各款切餅等等.今日埋單每人消費都係HK$1
雖然係lunch buffet但係啲食物都好豐富, 有冷盤, 沙律, 熱盤, 壽司, 魚生, 甜品等等.
因為都有好多選擇, 每款試少少都已經可以好滿足. 啲沙律加冷盤已經有四、五款, 所以減肥又想食buffet 嘅人都好啱黎試. 啲魚生好新鮮, 壽司就做得好出色, 新鮮之餘啲飯唔會散.
我自己嘅必食推介係川芎白芷燉魚頭湯(逢星期二先有), 我仲問咗經理, 原來逢星期五又會有沙魚骨燉湯, 真係必試, 清甜好飲. 仲有咖喱牛肉, 可以配飯或薄餅, 好香又好味. 另外, 雞肉串燒 、喇沙湯米粉 、蒸陳村粉都係必食推介. 除咗必食推介之外都仲有其他三、四款熱盤.
最後食埋我至愛嘅甜品真係滿足滿足. 今日有我最鍾意嘅士多啤梨千層餅, 餅好脆好薄, 啲吉士做得好滑加埋士多啤梨粒粒, 好味. 仲有, 麵包布甸都值得一試, 好香滑. 其他甜品唔止賣相靚味道都好好, 包括啫喱糖、班戟、杯仔布甸、各款切餅等等.
今日埋單每人消費都係HK$118.8, 因為信用咭有85折, 基本上一般大銀行發嘅信用咭都有折, 出去食一餐好啲嘅lunch都要咁上吓, 加埋果汁任飲, 計落條數真係好低, 下次有同事生日或者其他都會再黎食餐好慶祝.
張貼
