君怡酒店咖啡屋 (裝修中)

今晚同朋友嚟到尖沙咀君怡酒店食自助晚餐。餐廳內部設計懷舊，都算乾淨企理。自助餐本身包茶水🍵、咖啡☕️、罐裝飲品、湯、果汁🧃等等，若想飲啤酒🍺同汽水可每位加$28。🍷想飲紅、白酒都可另外加購。以杯/支計算價錢。餐桌除咗基本餐具、牙籖、糖鹽胡椒等調味料外，亦放有濕紙巾、剪蟹鉸剪。飲品區🥂除咗茶、水、咖啡、中西式湯、果汁外，自助餐亦包罐裝飲品。飲品選擇算多👍🏻沙律區🥗有各式沙律菜、肉類、醬汁選擇。沙律菜都算新鮮👍🏻冷盤區❄️有凍蟹、小龍蝦、螺等等。呢個價錢嘅自助餐都算唔錯😃廚師即製區👨🏻‍🍳自助餐有廚師現場即製食物。有烤串燒、烤肉等。有廚師喺現場整，啲食物即時變得好吸引🤩烤蠔區🦪今晚最多人爭住攞嘅當然係蒜蓉烤蠔。都係廚師即製，每次都係整得十幾隻，要攞就要就返時間啦😅熟食區🔥熟食區都有唔少選擇，相片有限未能錄盡。味道大都不過不失啦，呢個價錢都算係咁啦。甜品區🍰甜品區有水果、各式中西甜品、糖水。選擇都算好多。雪糕區🍨雪糕有Movenpick雪糕，有雲尼拿🍦士多啤梨🍓朱古力🍫三個味道。呢個價錢都有Movenpick任食都算驚喜🤩價錢方面，我哋喺網上平台訂餐券，就每人$284連加一，每人會送一杯紅酒🍷呢

購買預付劵$294已包加一。有刺身,凍海鮮,沙律,芝士,熱葷有黑松露小雲吞,炒蝦仁, 青咖哩羊髀,燒汁有骨小豬髀等,即切牛肉,即燒蒜蓉生蠔, 蟲草花湯,蘑菇湯,帶子蝦粥,機制小pancake,tiramisu,麵包布甸,幾款一口蛋糕,芒果西米露,水果,任飲咖啡或茶。全部味道很好，性價比很高！但碗碟餐具非常污糟，枱上的較剪沒有洗乾淨，還有疑似蝦殼附著。水杯內外都有很多水漬，個別還有小白色異物；盛湯的碗根本沒有洗乾淨。]室內沒有冷氣，只喺雪糕櫃旁有一台大型吹風機，整晚留住汗進食。]]我諗要到冬天才會再幫襯！

海鮮唔新鮮 食物麻麻 我之前吃好啲 但今次差咗 可能沒太多人所以食物漏𨍭慢 所以不太新鮮希望日後能改善 飲品檸檬苦 因檸檬不新鮮 伙記見人小 冇心做 星期六 中午半自助餐不到20人.

第二次嚟食，$294(已包10%)包羅萬有，雖然沒有生蠔，但有焗蠔👍翡翠螺，凍蝦，長腳蟹腳，花甲，也齊全，又新鮮魚生壽司也OK甜品也多款式，上次食有芝麻糊，好好飲黑松露炒菇，好好食，蒜香炒蝦仁 🍤掛住傾偈，唔記得影相，場內寬敞雖然枱凳比較舊，燈光比較昏暗但覺得很舒服😌，敘舊一流

二百零蚊嘅自助餐確實係香港好難搵，而佢真係有廣告上噱頭嘅麵包蟹和長腳蟹腳等類型嘅吸引食物供應，在6:30pm開始時上述兩款食品確實準備充足，但經一輪搶食之後，7：30pm已停止補貨，其他可選擇嘅熱食不多，但味道都算不錯，飯麵完全欠奉，甜品和雪糕一般。最搞笑嘅係廚師係走出嚟唔係睇下有咩食品要補充，而係去睇每台仲有冇食緊嘢，又話睇下係咪食緊甜品等收工。 我跟朋友忍唔住係8:15pm先跟侍應反映，佢就好禮貌咁回應話廚師 準備緊補充，但足足等咗15分鐘都係冇反應，又再忍唔住向經理反映，今次就用咗五分鐘就攞多6隻麵包蟹出嚟咁多應酬咗就算喇！食自助餐要食到要叫先有。仲要唧牙膏咁樣做，真係好少見。另外，全場熱到冇人有，唔知係咪第二策略，仲有見到一個伏係飲品櫃！ 見到有一家三口個位爸爸唔小心攞咗一罐開咗飲，侍應就話畀佢聽規矩係要全家受靶每位28蚊任唔任服務，最搞笑嗰啲係3、4蚊罐嘅韓國品牌飲品。

開心! 開心! 喜出望外，$358包加一，重有鮑魚，紅酒送，D熱葷啱食，可以食足三個鐘，同屋企人慢慢傾下偈。🙋🏻餸菜款式多，魚生份量唔孤寒🐟🤣推薦：鮑魚撈起✨✨

用餐日期：2023/10/22可用餐時段：07:00-10:00，3小時用餐費用(每人）：$120+1餐廳環境：環境整潔乾淨 冷氣足 檯與檯之間闊落 坐得舒服 服務：服務員服務有禮貌態度好 收碟及時 食物沒及時refill沙律吧：沙律菜已變色變軟不太新鮮 配料選擇少乳酪：有2種味道穀物：有2款穀物 1款牛奶 2款乾果 2款果仁 穀物入座時已差不多完 到結脹也沒見refill 麵包：有4-5款包類 可自製pancake 切片面包片只有白麵包 多士爐是像家庭式那種 切片面包片很難放入多士爐機 提供1款牛油 1款果醬 2款芝士 熱食：沒蛋檔 沒麵檔 熟食有十多款 中式有粥 麥皮 炒麵 炒飯 煎豬扒 炒蛋 2款點心 茄子等水果：有3款，味道正常鮮甜飲品：咖啡味道好 但咖啡類型沒選擇 只有齋啡，牛奶可另自助加。總結：試這家早餐是因喜歡這家的沙律吧自助午餐 但早餐質素很一般 這家早餐除了環境舒適外沒其他吸引之處 連最簡單的煎蛋檔 麵檔都沒有 沙律也不太新鮮 同樣價錢有更好的早餐自動餐選擇 所以不推薦這家早餐自助餐。

上網見到介紹君怡酒店的半自助午餐幾抵食，假日一於試下，星期六至日半自助午餐2.5小時(12:00-14:30)，原價$312，七折優惠價$218，Book定3位，12:00。餐廳的格局有種懷舊之感，面積十分寬敞，坐位舒適，因為當日準時到又唔太多人之下可以揀位。沙律吧，即出去睇下有咩食。冷盤海鮮，有小龍蝦、青口、螺及蝦等。凍豬手。前菜。沙律，比較多款。飲品，有果汁、咖啡或茶、仲有中湯西湯。甜品，唔算好多。仲有Mövenpick雪糕，正。半自助午餐，主菜餐牌。嘆杯熱咖啡。未上主菜，先食轉盤，青口、螺及蝦，正常水準，凍豬手，幾爽口但唔太入味。主菜，新西蘭肉眼扒配紅酒燒汁，5成熟，賣相不俗，肉質奶嫩，口感有嚼勁牛肉味濃，幾好味，伴菜薯仔及翠玉瓜都幾惹味。粉葛湯，飲下湯水。甜品及沙律。朱古力蛋糕，朱古力濃郁口感似軟芯朱古力。芝士蛋糕，口感軟滑，少許檸檬味增添清新。果撻，正常水準。蕃茄水牛芝士，本身鍾意食芝士，泰式海鮮沙律，有熟三文魚、魷魚及蝦等，幾足料同好味呢。見甜品轉左新野。第二轉甜品，呢個好想食甜野。車厘子金寶撻，口感酥脆味道香甜。雜果啫喱，有懷舊之感。桂花糕，清新味道。Tiramisu，唔

其實之前食過好多次食這一間的半自助午餐，但每一次都唔記得寫食評喎，終於今次記得寫啦， 今次只係叫咗一個羊扒嘅主菜， 其餘都係只食出面放的沙律吧，甜品及中西餐湯，有些冷盤包括火腿，雞，三文魚鬆日本豆腐，日本冷麵，中華沙律，還有一些海鮮包括青口，蝦，螺，及小龍蝦等，味道可以ok， 而中西嘅餐湯都好好味，中湯夠火爐，西湯通常都係羅宋湯😋， 至於甜品都有好多款式包括有糖水，芝士蛋糕，啫哩，自助飲品包括橙汁，蘋果汁，咖啡及茶都可以自在任飲， 就算不計主菜價錢都好實惠177元就可以食得好飽好好味，如果加主菜都只是218元，已經是我日常假日嘅飯堂啦😅 所以好多時我都會去食，超值又好味，太抵冇得輸。👍✌️

用餐日期：2023/10/19可用餐時段：12:00-14:30，2小時30分用餐費用(每人）：$125+1(原價10%)餐廳環境：環境整潔乾淨 冷氣足 檯與檯之間闊落 坐得舒服 服務：服務員服務有禮貌態度好 收碟及時 食物及時refill 沙律吧：沙律菜新鮮 配料選擇多 有日式冷麵 鴨肉 芝士粉海鮮：有4款 小龍蝦 青口 螺肉 蝦 試了蝦3隻 味道新鮮正常 甜品：選擇多 有pancake 芒果西米露熱食：只有餐湯（西/中湯各一款)雪糕：movenpick雪糕 但不是獨立裝 如是獨立裝會更衞生吸引水果：有3款，味道正常鮮甜飲品：有果汁 茶 咖啡 咖啡味道好 但咖啡類型沒選擇 只有齋啡，牛奶可另自助加。總結：對於一個喜歡沙律菜如我 這家是值得推薦的 因環境舒服 食材新鮮 服務好 有足夠時間慢慢進食 如可有多些熱食，多些咖啡種類選擇，雪糕獨立包裝更好。

it was our first time to visit and happy for  good  semi lunch (without main course), it's only a total of $125 + 10% per person. Good seats that ia not crowded. Friendly staff, they are helpful to serve the meal. At this semi buffet, we can have soup, tea, coffee, shrimp, salad...Dessert are fine, happy to eat 台灣珍珠combo& the chocolate mousse, also the movenpuck ice cream. We were all very full☺️☺️☺️

平日放假，同爸媽嚟試吓呢間傳說中超抵嘅酒店半自助餐。食物款式唔算多，出去巡咗一Round，攞咗幾隻凍蝦返嚟，肉質算爽彈，唔霉，都新鮮嘅。最正嘅係羅宋湯，好濃，平時去茶記飲嘅紅湯淡如水，呢度都算有返啲質素啦。我哋各自點咗主菜，羊扒同香煎比目魚扒好食，豬肋骨較韌，唔推介俾牙力唔夠嘅朋友仔喇！甜品都有少許選擇，最好食係焦糖燉蛋，可惜好快冇曬，又冇再出多盤，好想再食呀雪糕係movenpick, okay啦！半自助午餐星期一至五：$188+1（以原價$268計算）星期六至日：$218+1（以原價$312計算）沙律吧午餐星期一至五：$125+1（以原價$178計算）星期六至日：$155+1（以原價$222計算）

突然間放假，所以就同屋企人夜晚出去食個半自助餐上網見到佢$264@由1830食到2130見到個Menu有長腳蟹，麵包蟹，蜆，翡翠螺，同埋蝦即管膽粗粗去試吓🤭6:30準時上到去都冇咩人(不過去到7:30嘅時候都有半滿）見到好多冷盤同埋海鮮同埋有大量我最愛嘅甜品海鮮啱啱講咗啦我會比較推介長腳蟹因為拆開蟹腳之後都係啖啖肉麵包蟹反而就有啲瘦弱蝦就全部都彈牙爽脆其他嘅海鮮就中規中矩冷盤有雞，巴馬火腿伴蜜瓜，煙燻黑椒牛肉，三文魚粒(特別推介會係三文魚粒，因為佢嗰醬調配得好香，有少少麻油香味又有少少辣辣地）基本沙律就唔多講，不過佢會有火箭菜比較少地方會供應前菜就會有啲涼拌秋葵，日式螺肉，中華沙律，涼拌黑木耳，泰式鳳爪同埋有薯仔蛋沙律到我最熱愛嘅甜品簡直不得了Tiramisu（酒味偏濃，蛋糕半濕狀態口感非常之好 ）朱古力慕絲蛋糕（朱古力味好濃，唔會特別甜，可以入口）另外仲有舊式嘅水果蛋糕同埋榴槤千層蛋糕最重要仲有可以自己揀配料嘅仙草凍紅豆蓉，芋圓，龍眼，黑糖珍珠如果甜品唔夠皮仲有movenpick 雪糕士多啤梨，雲呢拿，朱古力同埋仲有一樣懷舊甜品孖條我就自己整咗杯 Irish coffee如果呢一個價

老婆生日，揀咗呢間自助餐廳，係Klook訂購半價優惠，好抵食。地點好方便，近地鐵站。主菜我點咗意粉唔洗加錢，老婆點咗德國咸豬手，自助餐方面主要有小龍蝦、青口同蟹腳等等。甜品種類也不少，雪糕是movenpick 已經是物超所值，還每人送紅酒一杯。有機會再去一次。

現時在酒店食自助餐非常貴，去年我在 acxxx pxxs 購買了自助餐加住酒店套票，諗住半價食自助餐，加上免費入住酒店房一晚，就再購買了（疫情前，購買過兩、三年），我們一向在銅鑼灣的酒店餐廳食開，訂了4月初的枱，但在confirm booking 時告知，現只有75折.....發生什麼事？？之前在這酒店的自助餐優惠折扣被單方面取消而沒有通知，售賣套票機構或職員的電話已聯絡不上，真的很不愉快，很倒霉😩！之後唯有試發了電郵查詢，結果..優惠當然沒有了！！😭雖然遇上不愉快事件，人生就是有很多不同際遇，當快樂開心時，要加以真惜，遇上困難挫敗，快快轉個方向去找出路，不要跌進困局深淵，每天醒來都可以有個新出發，光明必會跟隨！忘記背後，努力面前💪🏻😎☀️🌈現偶爾發現網站做promotion 的自助餐，會多看兩眼，甚或去試試，將霉氣化做食量！😆網上看到君怡酒店半價，原來是星期一至四半自助晚餐，連加一約$260/位，可加錢選擇不同的食物，我們沒有加，都是選了「Carbonara意粉」 原因，半自助的食物種類已足夠滿足我們...Carbonara碟頭不少，芝士味濃郁又夠汁，意粉軟硬度剛好，呢個都做得幾好味！