響葫蘆 燒物 . 居酒屋 (已結業)

見Openrice 評價都唔錯, 今晚就試下呢間響葫蘆燒物 . 居酒屋放題餐廰位於亞士厘道, 位置方便, 距離MTR 都幾近, 喺Esprit行多幾步上樓就到味道: 4/5坐低就叫咗個刺身試下先, 都算幾新鮮, 大部份都鮮甜，最鍾意三文魚，全部都係好肥美嘅腩位壽司好正常，輕輕炙燒過，半熟狀態牛排好Juicy, 調味岩岩好，牛味都好正炸蠔我要一隻都即炸, 表面好脆, 不過細隻左少少串燒好香口, 粟米有少少燶咗個魷魚太多汁，好似去咗酒樓, 太中式鰻魚幾大條, 個汁好味, 但有啲腥同有少少骨環境: 4/5坐得OK舒服, 枱同枱之間唔會好迫, 收貨服務: 5/5侍應態度不錯, 有笑容, 我呢啲落咗成十張單都唔會黑面而且每樣嘢等得唔耐, 都係10分鐘內完全無拖時間唔出食物, 所有叫咗嘅食物都有來衛生: 5/5地下乾爽, 晚上地面都沒有垃圾, 餐具清潔程度滿意 抵食: 3/5至於價錢, $288 食2個鐘, 包埋嘢飲, 無甜品我飲咗沙示同Blue Ice價錢我覺得以九龍區黎講係算貴, 個價錢拍得住銅鑼灣嘅放題同埋星期一至日劃一價錢, 星期六日仲OK, 平日就真係貴了總分:21/25