Casa Bakery (已結業)

地理位置唔算偏，地鐵站行去8-10分鐘到，有地方坐既bakery，地方細但幾骨緻。煙鴨胸菠蘿漬物潛艇堡份量岩岩好飽肚，可以當早餐又可以當下午茶，個包都頗大個，但唔乾身唔黏牙，煙鴨胸切得比較大舊，菠蘿正正常常，唔會得幾舊，夾埋沙律黎食清清地幾開胃。麻醬手撕雞漬物雜菜沙律麻醬十分開胃！酸酸甜甜，係好食既日式麻醬，同手撕雞係好好既配搭，做沙律既蔬菜尚算新鮮，份量頗多，早餐黎講好足夠。玫瑰普洱因為怕濟就冇要到咖啡要左杯熱既玫瑰普洱茶，本來見到係用茶包黎浸有小小失望，但原來茶包裏面真係有玫瑰花，飲落好香玫瑰味，有驚喜。香橙青檸蜜糖寒天波梳打有點五分係俾個杯既，佢唔係用普通餐廳會既膠或者玻璃杯，係用印有自己餐廳名既外賣透明膠杯，design幾靚。飲落陣味既配搭幾新奇，唔太甜，但唔係幾飲得慣個味，可以一試既。