燒肉屋 (清風街)

餐廳主打日韓燒肉任，環境寬敞明亮，座位舒適，適合朋友或者家人聚餐。除咗可以單點之外，仲有特色 榴槤加燒肉放題，選擇特別，適合喜歡新鮮感嘅人。燒肉＋榴槤放題 $348（120分鐘）放題套餐選擇夠多，牛、豬、雞、海鮮、熟食、前菜同甜品一應俱全。生菜可以無限添加👍🥩牛肉類有澳洲和牛牛板腱、荔枝牛肩胛串、牛五花等，肉質厚切，有油香。醬汁洋蔥牛肉配搭生菜好好食，🐷豬肉方面有爽脆豬頸肉、厚切果汁黑豚、五花肉等，全部切片厚薄適中，燒起嚟唔會乾。🐓雞類、雞軟骨用香腸都有提供，選擇豐富。海鮮有蒜香牛油烤帆立貝、泰式生蝦，仲有燒翠玉瓜、燒粟米同燒菠蘿等。熟食區可以揀炸餃子、吉列炸蝦、炸薯條等小食，仲有月見紫菜飯，十分適合配燒肉一齊食。榴槤方面，放題套餐會供應 馬來西亞D24榴槤，肉質香甜濃郁，有獨特榴槤香氣，適合榴槤迷。甜品區有 Häagen-Dazs 杯裝雪糕，食完燒肉再來杯雪糕，幾滿足。飲品方面，罐裝飲品、啤酒任飲，選擇多，可以輕鬆歎番杯。整體嚟講，燒肉屋嘅放題選擇夠多，肉類新鮮，配搭榴槤放題夠特別，適合鍾意創新組合又食量大嘅朋友聚會。