影片
港鐵天后站 A2 出口, 步行約4分鐘; 地鐵A1出口(步行約4分鐘)
繼續閱讀
電話號碼
26606373
68065382 (WhatsApp)
開飯介紹
創意日式燒肉店，裝潢富有日本風味，以A5宮崎和牛牛眼蓋做招徠，油脂豐富入口即溶。另外超長日式牛仔骨、牛味濃上等封門柳桶都值得一試，另亦供應豬肉、雞肉、海鮮等。
繼續閱讀
營業時間
今日營業
12:00 - 15:30
17:30 - 00:00
星期一至四
12:00 - 15:30
17:30 - 23:00
星期五至六
12:00 - 15:30
17:30 - 00:00
星期日
12:00 - 15:30
17:30 - 23:00
公眾假期前夕
12:00 - 15:30
17:30 - 00:00
以上資料只供參考, 請與餐廳確認詳情
有關餐廳
有關獎賞計劃
相關文章
燒肉屋位於清風街，主打創意日式燒肉，店內裝潢滿是日本風味。叫咗個薄切A5和牛常滿-二人前晩餐，內容好豐富。首先好多前菜。蟹將軍薯仔沙律，帶來清新而不失豐富的口感體驗，新鮮蔬菜和特製醬汁，開胃菜的理想選擇。蜜糖燒雞翼，內裏鮮嫩多汁。蜂蜜的加入不僅賦予了雞翼一抹甜蜜的氣息，還使其表皮更加光澤誘人。咬一口下去，雞肉的鮮美與蜜糖的香甜完美融合，帶來一場味覺上的小確幸。荔枝牛肩胛串串，美味組合，荔枝的天然甜味滲透進牛肉中，形成了一種平衡且和諧的味道。原條厚切牛舌，非常大份厚切，嫩滑多汁的口感。每一口都充滿了牛舌的獨特風味，讓人忍不住一口接一口。主角，A5宮崎和牛薄切，薄切A5和牛常滿，精選自日本頂級的A5級和牛，以其細膩的紋理和入口即化溶，搭配特製醬汁，輕輕一涮即可品嘗到其獨特的鮮美與甘甜。前腿肉配特製月燒汁，肉質緊實而多汁，搭配秘制的月燒汁，既保留了牛肉本身的鮮美，又增添了一抹濃郁的香氣。無論是作為主菜還是配菜，都能為您的餐桌增色不少。蒜蓉牛油烤帆立貝，新鮮的帆立貝與蒜蓉、牛油完美結合，烤制過程中帆立貝吸收了蒜香和牛油的濃郁香氣，呈現出一種無法抗拒的美味，再將啲牛油蒜蓉汁撈飯，令人食欲大開。
繼續閱讀
前晚同朋友去左天后清風街呢間燒肉屋食燒肉食材高質之餘價格親民好似去左日本旅行甘非常適合同朋友一齊黎//海鮮A5和牛尊貴二人前($799)//我地叫左個二人餐份量好足食到好飽 //青蘋果絲蟹子沙律//沙律調味調得好好 蟹籽好鮮甜重點係青紅蘋果的清甜令口感更豐富 //薄切A5宮崎和牛肉眼肉配特製月見燒汁//薄身和牛只需數10秒時間快速在爐上面燒一放落口就有滿滿油香最緊要係一定要點一點餐廳自家調製既月燒汁完全係和牛壽喜燒既口感 //A5宮崎和牛稀有牛眼蓋//肉味較濃 食落有咬口而軟身不及肉眼的油香 卻有少見的口感 //4片爽脆白鱔片(配自家配方鰻魚汁)//燒白鱔 兩邊燒至金黃焦香入口肉質爽口再配埋自家鰻魚汁 味道100分 //日式蒜蓉大虎蝦//虎蝦夠大隻咬落口感厚實而且蝦味濃郁 鮮甜多汁//蟹甲羅燒配法包//超大量蟹膏蟹肉蟹籽放在爐上烤滾 再搽滿在法包法包也放在爐上烘底蟹膏蟹肉蟹籽超新鮮 入口鮮味十足再加上法包脆脆的口感滿滿幸福的感覺 //蜜糖燒雞翼(5隻)//燒肉黎講 雞翼係一定唔少得配蜜糖先係最原汁原味//三蛋燒汁紫菜飯//必食呢個三蛋飯三隻太陽蛋吉穿將蛋漿滿滿的滲入飯內加上燒汁同紫菜調味用來混合肉類一起食感覺不會太膩 //法國生蠔兩隻//呢個生蠔口感好creamy入口鮮味十足 //百香果荔枝梳打//百香果的酸甜加上荔枝的香甜好飲之餘又可以解膩 //士多啤梨乳酸汽水の棉花雲朵//好打卡的一杯飲品粉紅色雲朵的棉花糖甜甜的口味飲落令人開心
繼續閱讀
.今次去天后清風街呢間新開嘅燒肉屋，食燒肉食到飽，價格親民，食材高級，前菜任添（重點：前菜竟然有麻醬牛舌‼️）真係任添，服務員好熱心過來refill😍 榨菜都好食，原來係自己醃👍🏻.🥩🥩薄切A5和牛常滿二人前🥗蟹將軍薯仔沙律薯仔沙律調味調得好好，蟹肉蟹籽好鮮甜，驚喜位係加咗粟米片，口感更豐富👍🏻.🥩🥩A5宮崎和牛牛薄切前腿肉配特製月燒汁咁薄身嘅牛肉蘊藏超級多油😍 一放落口就有滿滿油香，沾月燒汁食，更加滑不溜口🤤.🍒荔枝牛肩胛串串牛味好濃，肉質鮮嫩，配荔枝一齊燒，荔枝香增加咗牛肉嘅鮮甜，而且有6串咁多，超級飽肚😆.👅圓條厚切牛舌半條食親牛舌都係薄薄幾片，第一次成條牛舌放落去燒，呢間真係好足料😍原條放落去燒一陣再剪粒（剪完都係好厚），肉質厚實又爽口，推薦👏🏻.🐚蒜蓉牛油烤帆立貝帆立貝好鮮甜，芝士蒜茸夠惹味，平時通常配粉絲，但店員推介等芝士蒜茸熱熔後撈飯，呢個食法好新鮮，好香口，送飯一流❤️.🍗蜜糖燒雞翼燒烤點少得雞翼呢🤤 蜜糖燒雞翼真係大人同小朋友都鍾意食❤️除咗點蜜糖，配燒汁都好夾味🤤.🍓士多啤梨乳酸汽水之棉花雲朵好可愛的飲品❤️棉花糖像粉紅色雲朵⛅️還有蝴蝶結點綴🎀滿滿的少女心💕.🍍百香果菠蘿梳打輕甜酸爽的梳打，上面的是菠蘿冰🍍🍨牛奶雪糕最後以牛奶雪糕作結，雪糕碗也好可愛☺️.
繼續閱讀
燒肉屋 🔳日式居酒屋嘅格局裝修，菜式就融合咗日韓特色🌏 五款無限refill嘅韓式前菜同包肉嘅生菜🥬 麻醬牛脷更係招牌之一😛舖頭雖然唔大，但每個角落都有設計🎏 以為吊落嚟嘅單純係掛飾，原來係紙巾袋🧻 慳位又就手！燒肉榴槤放題🈵馬來西亞D24榴槤🇲🇾
榴槤平時街買都要百幾蚊一個，仲要殼重肉少，重到連個殼都計落去🗿 呢度正宗D24榴槤任食🤑！ 果核雖然唔細，但果肉夠厚，綿密滑身，有淡淡奶香，凍凍地食，似足雪糕咁😻貓山王榴槤醬燒薄餅😸淨係食榴槤肉就夠喉🤡 榴槤煎餅同樣好出色💯 記住一上枱就燒，因為塊餅一溶就超難夾同會黐底🫓 大概30秒反面，酥脆又熱辣辣，加上凍冰冰綿滑嘅榴槤果蓉，熱冷交融🤤豬牛雞同海鮮樣樣齊嘅拼盤 🎡 牛舌芯厚切加上七味粉💥 荔枝牛肩胛串串肉質帶筋位，加上荔枝嘅果香🦴豬頸肉爽口又易熟，蜜糖燒雞翼貼心開半設計🍯大大隻殻付蒜蓉牛油帆立貝，火候控制得好會啖啖汁🧄 仲有泰式生蝦都係任食架🦐爐頭雖然偏細，一次放兩隻帆立貝就冇咩位，但火候夠猛🔥 加上舖細上菜快，唔怕等又唔怕餓🎯 主食仲有辛辣麵🍜 胡麻醬冷烏冬，或者白飯加入生蛋、紫菜同芝麻，撈勻後香氣滿滿🍚飲品櫃入面有 Asahi、啤酒、汽水🍺 任拎任飲，連1秒都唔使等店員💨 就算唔食榴槤都有甜品慰藉😌 雪條同Häagen-Dazs雪糕任食，仲有漢堡包糖🍔原本以為三百幾蚊食燒肉係幾抵，點知最大驚喜係任食D24榴槤😳！ 榴槤關注組會員必去‼️
繼續閱讀
話說最近經朋友推介，去咗天后的燒肉屋。佢主打「燒肉＋榴槤放題」，$348兩個鐘任食，仲有無限罐裝飲品、啤酒同Häagen-Dazs/Dreyers杯裝雪糕，聽落已經覺得抵玩，再加埋個環境清爽舒服，真係好難唔試！一坐低，先嚟五款日韓式前菜，如泡菜、海帶、蓮藕等，清新又醒胃，幫你準備好胃口應付之後嘅燒肉狂潮。一場燒肉美食1. 牛舌芯 牛舌係我嘅必點，呢度嘅牛舌厚薄適中，紋理清晰，燒到微焦，外脆內嫩，口感彈牙得嚟帶少少膠質感，夾埋檸檬汁食，清新又解膩。2. 澳洲和牛M7牛板鍵 呢款和牛真係夠香！油花分佈得好靚，燒到微微焦邊，有種入口即化嘅感覺，脂香滿溢但唔過膩，真係每塊都想細細咀嚼品味。3. 荔枝牛肩胛串串 呢款係驚喜之選！荔枝嘅甜味滲入牛肉，燒過之後甜香與肉汁完美融合，口感層次豐富，帶少少燒焦嘅焦糖香，真係幾特別。4. 蒜蓉牛油烤帆立貝 帆立貝鮮甜多汁，蒜蓉牛油嘅香氣滲入每一絲肉質，燒得啱啱好，唔會過火而變韌，成個口感滑溜溜，好滿足。5. 黑椒鹽五花肉 五花肉肥瘦比例啱啱好，黑椒香氣撲鼻，鹽味適中，燒到微脆嘅外層包住內裡嫩滑嘅脂肪層，食落極度邪惡，但又忍唔住一塊接一塊。6. 馬來西亞D24榴槤 榴槤迷一定唔可以錯過！D24榴槤質感綿密，味道濃郁，甜中帶少少苦，香味霸道但又唔會過頭，簡直係燒肉之後嘅完美句號。我地2個加埋order左10件都有。其他小品：驚喜與經典燒菠蘿甜中帶酸，清新解膩；地雞雞軟骨串口感香脆；燒粟米同燒翠玉瓜則係經典燒肉配菜，質感爽甜，最啱平衡重肉嘅油膩感。環境與服務環境乾淨企理，燒爐設計得好有心思，抽風夠力，燒完身上唔會有好大陣燒肉味。服務員態度親切，仲會主動介紹邊啲肉適合點樣燒，感覺好貼心。可以狂飲飲品/多款茶/啤酒～ 雪糕雪條都多選擇。燒肉屋以$348嘅價錢食盡高質燒肉同榴槤，性價比爆燈。下次一定要試埋佢嘅+$138時令海膽！食完真係滿足到無得彈，極力推薦！
繼續閱讀