麻市滋味館 (已結業)

今日帶呀媽出去食飯，知道佢喜愛食飽魚和蟹，經OpenRice 查看下，呢間都幾好，就來到佐敦試試。一到門口已見到佢地嘅招牌菜，好吸睛呀。入內環境光視充足，環境清潔衛生。餐牌上有很多款式，你想食咩小菜都有。我地就當然叫左冰鎮南非飽魚，奄仔蟹蒸糯米飯加碟炸子雞。一上飽魚呀媽就笑曬，好精緻擺設，夠大隻，肉厚。同佢整一D到唔同，佢話新一代食法。食落都幾軟彈煙靭，容易入口，都幾鮮甜，有清爽口感。到上蒸飯時，香氣撲鼻蟹味由蒸籠透出來，精緻擺放令蟹活現眼前，第一時間影吓相先啦，先食蟹蓋，有小許蟹糕，再食蟹肉，肉質嫩滑鮮甜。未食過咁鮮甜嘅蟹。跟著就係飯，已吸收曬蟹水份，當然係有鮮味軟綿綿，我地都食曬。另外個炸子雞，皮脆肉嫩，幾乎呀媽食曬整碟雞。最後仲有甜品送，芒果布丁，味美清甜。呢餐食到呀媽最開心，食材新鮮，美道好好，招呼週到，下次再來食過。