和牛燒肉一郎 (寶漢大廈) (已結業)

依家晚市冇堂食 想食放題唯有係lunch 黎開心下。一Confirm 要左Set B 特選美國牛肉放題之後，好快就上左個小舟盛盒，包括幾款肉類同海鮮。為食既我地即時用QR code 再落左好多款牛：薄炙牛里脊肉 同 薄炙牛肋肉 同 兩款牛舌。唔洗等好耐就上菜，放題當然時間好緊要👍🏻👍🏻👍🏻我地從薄炙牛肋肉 同 薄炙牛里脊肉入手，點知就食到返唔到轉頭，兩者分別應該係脂肪含量及分佈。薄炙牛里脊肉相對比較少脂肪 鍾意肉感既朋友會比較喜歡；薄炙牛肋肉 油脂比較多 比較香濃嫩滑。兩者都薄薄一片 一落爐就可以翻面再起肉。叫左最少3-4轉。真係好好食！咁其實除左薄切，呢set 都仲包好多野：牛外横隔膜、熟成壺漬牛外横隔膜、牛舌、豚肉、海鮮、菜等。仲有熟食呢～ 真係好多野食！兩色蔥花牛舌都唔錯， 薄切 快熟 唔會烤到太韌 另外仲配沙律、飲品同甜品包括在內，最特別有多種自家製飲品，係罐裝飲料外有更多種選擇。