火五越式牛肉粉專門店 (華生樓) (已結業)

今日放咗工夜晚又約咗人，中間有個空檔時間，就搵個地方坐下食個下午茶，喺太子附近見到呢間火五越南餐廳，記得OpenRice都有見過，所以就入嚟坐吓，食吓野😄坐低之後，見到好多枱都好似我一樣，一個兩個人入嚟食，睇完餐牌之後，就叫咗個小食拼盤，同埋一杯椰青水椰青水飲落好清甜，中間仲有啲果肉，仲要獨立杯裝，係炎熱既夏日，飲番一杯椰青水，的確係好好嘅選擇小食拼盤有六款嘢食，好豐富分別係黃金魚皮、青木瓜絲沙律、蝦春卷、炸雞、大蝦紙米卷、扎肉紙米卷，黃金魚皮好香，好有咸蛋味，炸雞都熱辣辣好正仲有一set醬料，自由配搭