影片
更多
2018-12-11
148 瀏覽
見呢度咁多好評，又有米芝蓮加持，男朋友信心十足咁 book 咗 omakase 同我慶祝我哋嘅特別日子。除咗餐廳名有嘅 tempura 好好食，其他嘅日本料理都好高質素～日本人喺冬天都會食白子，因為十月打後就當造㗎喇，而家食就係最好時機吶。今次食到嘅白子非常肥美爽滑，浸咗喺冰涼嘅酸汁度再加上紫蘇葉，令人食慾大增 紅噹噹嘅兩件係無花果同埋蕃茄，兩樣本身都好清甜 juicy，而黑醋汁酸咪咪更加襯托出佢哋嘅鮮甜呢 後面綠色嗰個係冰菜，係水份飽滿嘅蔬菜嚟㗎，全部嘢食都好 fresh 呀！呢三樣分別係螺、八爪魚🐙同埋鮟鱇魚肝，plating 好精緻～ 我諗螺肉係汁煮過，所以爽口又惹味。八爪魚都好入味，彈牙有𡁻勁。相反，鮟鱇魚肝就非常 creamy，有唔同嘅口感刺身拼盤有好多種刺身，蝦同埋貝類都有，多元化啲。魚類有拖羅刺身同蝶魚刺身，後者味道清淡啲，要食先，前者就非常濃郁豐腴，由淡到濃真係好掂 🤩 蝦刺身係牡丹蝦，好大隻黏爽吶～ 赤貝爽爽的。魚清湯嘅樣好清澈，但都有落咗好多立魚肉，充滿魚鮮味道 手握壽司有秋刀魚壽司同墨魚壽司，兩件都十分新鮮，水準不賴 😚 而且視覺效果好好喔～ 入秋後嘅秋刀魚儲滿
日本人喺冬天都會食白子，因為十月打後就當造㗎喇，而家食就係最好時機吶。今次食到嘅白子非常肥美爽滑，浸咗喺冰涼嘅酸汁度再加上紫蘇葉，令人食慾大增
紅噹噹嘅兩件係無花果同埋蕃茄，兩樣本身都好清甜 juicy，而黑醋汁酸咪咪更加襯托出佢哋嘅鮮甜呢 後面綠色嗰個係冰菜，係水份飽滿嘅蔬菜嚟㗎，全部嘢食都好 fresh 呀！
呢三樣分別係螺、八爪魚🐙同埋鮟鱇魚肝，plating 好精緻～ 我諗螺肉係汁煮過，所以爽口又惹味。八爪魚都好入味，彈牙有𡁻勁。相反，鮟鱇魚肝就非常 creamy，有唔同嘅口感
刺身拼盤有好多種刺身，蝦同埋貝類都有，多元化啲。魚類有拖羅刺身同蝶魚刺身，後者味道清淡啲，要食先，前者就非常濃郁豐腴，由淡到濃真係好掂 🤩 蝦刺身係牡丹蝦，好大隻黏爽吶～ 赤貝爽爽的。
魚清湯嘅樣好清澈，但都有落咗好多立魚肉，充滿魚鮮味道
手握壽司有秋刀魚壽司同墨魚壽司，兩件都十分新鮮，水準不賴 😚 而且視覺效果好好喔～ 入秋後嘅秋刀魚儲滿一身肥油特別好食，同白子一樣都係當時得令嘅食材！
海膽壽司係連壽司飯都拌咗海膽，再舖滿大塊嘅北海道海膽，入面仲有一粒粒嘅貝柱，豐富咗個口感喔！
終於到我最期待嘅天婦羅環節喇 😍 天婦羅嘅擺盤好有氣勢，就連吸油紙都好精美地印咗岩浪字樣，其實啲天婦羅香脆而不油，張紙一啲油跡都無呢！
天婦羅可以點加咗蘿蔔蓉嘅天婦羅汁、海鹽或者咖喱鹽，不過我覺得原汁原味都夠哂吶。
呢度用嘅器皿都好華麗，神神祕祕咁蓋住上菜，到自己親自打開嘅時候就有種玩味～
原來係熱呼呼嘅和牛呢 🤗 和牛炆煮得好淋好軟，入口好鬆化，食到我滿口都係肉汁，同平時煎煮嘅口味好唔同！
甜品有日本嘅水果，有梨同埋香印提子，提子脹卜卜超大粒超甜喔！中間就係自家製嘅桃雪葩，有甜蜜嘅桃味，冰冰凍凍咁 🍑
張貼
