松 (已結業)

國慶假難得來到尖沙咀搵食，今次就揀左<<松>>呢間日本餐廳。 由佐敦地鐵站行過去大約10-15分鐘。 我地當然係食中午，因為抵食好多嘛。入到黎，餐廳既裝修都幾高級下，我地就坐左係吧枱。 一坐低侍應會先上熱菜及遞上菜單。 先上小食及沙律，墊墊個胃先。 日式燉蛋，料多，入口燉蛋好滑。 定食仲跟味噌湯， 女朋友叫既定食係<<北海道丼>>，外形夠吸引之餘，多款刺身入口更加新鮮，海膽入口好鮮甜，一點都唔腥。魚籽大大粒，夠彈牙，真係好滿足。 而我點的是<<鐵板咖哩吉列日本黑豚肉定食>>。鐵板加上咖哩，令到整體上的味道更加昇華。 吉列黑豚夠哂大份，而且切得厚身，炸得外脆內嫩。 <<巨峰奶凍>>係今次既甜品，食入口有好大陣巨峰味道，而且奶凍入口彈得黎又滑，好清新。