味道樂居酒屋 (河內道) (已結業)

日本野有平有貴，質素都可以好大差距。想食好野但又唔捨得比太貴嘅話我都會返黎呢間餐廳。呢排天氣涼返相對冇對生冷野咁多熱衷，所以就叫熱食為主，呢度嘅選擇都幾多。火炙左口魚簡直係我至愛嘅壽司，個種香味真係其他壽司比唔上嘅！呢度嘅左口魚夠肥美，油脂夠香但又唔膩口！蟹膏帶子卷都唔錯，蟹膏嘅量唔吝嗇，帶子亦都好新鮮見到佢地有幾款燒蠔，我地就揀左款幾特別嘅櫻花蝦煙肉燒蠔黎試，2款味道好出嘅材料加埋一齊又幾夾，不過味道會搶過左蠔本身個陣鮮甜味明太子雞翼好足料！明太子控表示滿足！最令我嘅驚豔到嘅係呢個煎牛舌，一開始我都冇特別抱太大期望，只係單純想食牛舌而叫，賣相都冇咩特別。但一食入口真係好有驚喜！牛舌本身夠香味，口感厚實又唔鞋，只係簡單嘅黑椒調味已經好出色，加埋炸得好脆口嘅蒜片咁食無論係口感定味道上都好令人忍唔住一啖又一啖。仲要價錢唔貴，感覺上抵食過串燒。呢個大件夾抵食嘅鰻魚飯就梗係必叫啦，鰻魚燒得好香又唔乾，好味之餘又飽肚，糧尾恩物！