陳儀興玫瑰餐廳

營業中

休息中

今晚老公加班加到10點幾，附近食店差不多收晒，行下行下，離遠見到呢間仲開緊，門口仲有枱食緊，咁就試下啦~入到鋪好多人打緊邊爐，香噴噴~ 但亞仔嗌晒肚餓，咁就叫小菜啦~鼓椒炒象拔蚌，個汁好濃郁又杰，配菜好多有青椒洋蔥，亞仔不停食青椒，象拔蚌炒得岩岩好，唔會過熟好un。燒汁炒野菌牛肉，好大碟，好有鑊氣，牛肉嫩口，好多唔同既菇，又係有青椒同洋蔥，甜甜既燒汁味，好食，送飯一流。鮑魚雞啫啫雞，一上枱“炸"緊，好大煙，有4舊切左一半既鮑魚，好多雞同埋乾蔥，雞肉好滑雞皮小小脆，濃濃醬汁帶微辣，好食。