影片
港鐵啟德站B出口, 步行約15分鐘
繼續閱讀
電話號碼
35831123
開飯介紹
除了中式小菜外，餐廳亦提供各式口味的雞煲，如椰子雞、重廈雞及花雕醉雞鍋等。
繼續閱讀
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
相關文章
✨今日要同大家分享一間非常抵食嘅打邊爐雞煲好去處！✨有咩咁特別呢？就係呢度 ❌不用加一❌不用茶芥❌不用醬油費配料仲好抵食！份量比出面多，性價比夠哂高😍🐔 青花椒鮑魚雞煲 $188咋🤩呢個煲真係勁正！店員會先嚟將雞件煎炒到有焦香，配埋清洗得好乾淨嘅鮑魚，青花椒香味突出，麻麻辣辣又有d海鮮鮮味，食完雞煲五以加上打邊爐，湯底飲落仲有層次感唔會太咸，食到停唔到口！唔食得辣嘅朋友都唔洗擔心，因為呢度仲有好多款雞煲選擇，例如：香菜雞煲皇、花雕醉雞鍋、暧胃豬肚雞鍋、椰子雞煲、蟲草花膠雞鍋、覔濃椰子海參花膠雞煲等等☝️中意特別d，仲有 花雕藥膳乳鴿鍋、藥膳魚頭鍋、玫瑰海鮮船等等👏🏻🥩 手切本地牛 $228 勁大碟😋新鮮手切，牛味濃郁，油脂分布平均，所以入口超滑，落火鍋輕輕一灼就食得，啖啖都有住幸福感。🦑 鬼馬墨魚膠 墨魚膠彈牙得嚟，配上炸至金黃嘅油炸鬼，每啖都食到唔同嘅口感，落湯一煮即刻食得，出面火鍋店，而家都比較少有呢個配料，見到一定要點！🦐 蝦丸蝦味十足，巧妙咁點綴咗芹菜，食落更提鮮，咬落去爽彈，啖啖都係蝦肉，落火鍋煮完唔會散，超滿足。🥟 鮮蝦雲吞皮薄餡靚，蝦肉彈牙，落湯煮完吸晒湯底精華，食完一粒想再食多幾粒。🐟 脘魚腩魚腩油香滑溜，魚味濃郁又唔腥，啱晒鍾意食魚嘅朋友。🫔 千張豆香十足，薄薄嘅條狀吸晒湯底，口感滑溜又健康。🥬 菠菜苗新鮮翠綠，落湯一灼就食得，清甜爽口，食多幾款肉都唔覺膩。
繼續閱讀
尋晚同朋友去咗陳儀興玫瑰火鍋打邊爐，試咗佢哋新出嘅「花雕藥膳乳鴿鍋」，真係好驚喜！一坐低就聞到陣陣花雕酒香，個湯底用咗花雕酒同埋多種藥材去熬，飲落好順喉，帶少少甜味，仲有啲藥材嘅香氣，好滋補嘅感覺，飲完個身暖笠笠，好舒服！乳鴿係呢個鍋嘅靈魂，肉質好嫩滑，浸咗湯之後更加入味，咬落去啲肉汁爆出嚟，同個湯底嘅香味好夾，食到停唔到口！火鍋配料方面，手切肥牛係必點！油脂分布得好靚，淥兩淥就食得，入口即化，牛味好濃，水魷魚好新鮮，食落好彈牙，點少少辣椒豉油已經好夠味。響鈴炸得好脆，吸咗湯汁之後更加好食，貢丸彈牙又多汁，食落好滿足。特別要提吓佢哋嘅特色餃子，菠菜餃同芥末西芹餃都好有驚喜！菠菜餃皮薄餡多，菜嘅清香好突出，而芥末西芹餃就有少少辣辣哋，好開胃，食落好過癮！茼蒿同竹笙係我打邊爐最愛嘅配料，茼蒿嘅清香可以平衡返個湯底嘅濃郁，竹笙吸晒湯汁嘅精華，食落爽脆又入味，真係冇得輸！總括嚟講，陳儀興玫瑰火鍋嘅「花雕藥膳乳鴿鍋」真係好出色，湯底香濃又滋補，乳鴿嫩滑，配料又多選擇，食到好滿足，呢個花雕藥膳乳鴿鍋絕對值得一試！
繼續閱讀
冬天真係要食返個暖笠笠嘅鍋物，呢晚搵咗間港式火鍋店，發現呢間餐廳都幾大件夾抵食㗎喎😎枝竹羊腩煲呢個鍋底真係勁足料，羊腩有齊肥同瘦兩款供應，勁啱我同朋友🐑 羊肉唔算太羶，點埋腐乳都幾夾。其他配料有爽口嘅馬蹄、夠晒入味嘅冬菇同枝竹。仲另外有一份生菜🥬招牌手切肥牛有分兩款size，我同朋友兩人想食多啲其他野，所以只係嗌咗份細嘅。份量都夠晒我地呢啲牛魔王🤪 雪花勁靚，牛味香濃，輕灼幾秒就食得🥰 五花腩肉肥瘦嘅層次分明，唔會過份肥膩🐷 豬皮嘅部份仲帶點爽彈，幾鍾意佢仲有少量豬軟骨。自家手包韭菜餃呢個係必嗌之選，每粒韭菜餃都好大隻，外皮唔會好厚，入面嘅韭菜同豬肉嘅比例剛好，每隻都漲卜卜🥟彈牙魚皮餃魚皮餃幾有口感，一份有八隻，都係餐廳推介嘅菜式🐟潮州手打牛丸牛丸咬開仲有勁多肉汁，牛香十足，我同朋友都好鍾意呢碟🐮 粒粒章魚丸併香菇貢丸丸類可以雙併，粒粒章魚丸食落口彈牙，仲食到入面有少量章魚粒🐙 香菇貢丸口感實淨，另外有啲冬菇粒喺面，增加咗唔少菇嘅香味。水魷魚水魷份量都幾多，食落口好爽口🦑日本烏冬打邊爐嘅結尾加咗份彈牙嘅烏冬，令呢餐更加溫飽🍜呢餐真係食得好飽，特別鍾意佢嘅羊腩煲十分真材實料。餐廳午市都有火鍋供應，全日不收醬汁、茶芥及加一費，好抵食，如果一大班朋友嚟食就啱晒啦🥰
繼續閱讀
成日以為陳儀興淨係食潮洲滷水嘢，點知有個同學話其實我有得打邊爐，咁今次就跟隊過嚟試吓。買埋少少嘢過嚟就出事啦，成班人唔等已經食緊個雞煲應到去原本嗰個相。成班突然間修心養性唔食辣，嗌咗個椰子雞煲，椰香味好重，連煲底啲汁都唔放過，好彩趕得切試到少少。整體嚟講，佢啲嘢食無論係熟食定係生料都水準幾高。個炸鯪魚球同埋魚皮真心必點，啲鯪魚肉好彈牙，啲魚皮脆卜卜但又唔會割喉，火候好好。啲韭菜餃都好癲，係爆餡㗎！放工嚟個快邊其實真係唔錯，唯獨係個黑松露丸貴咗少少，其他都算係合理嘅。同埋幾鍾意去呢度有涼茶叫，仲要唔太甜，真係可以下下火。
繼續閱讀
陳儀興玫瑰火鍋位於新蒲崗，環境舒適，適合與朋友聚餐。最近有些煩心事，無意中來到這間火鍋店，瞬間覺得輕鬆不少！呢間火鍋店我已經食過一次，唔使加一、唔使茶芥、唔使醬油費，好抵食，而且性價比高！☺️1️⃣ 花雕藥膳乳鴿鍋（半隻） $168:湯底香濃，滿滿膠原蛋白，乳鴿肉嫩，讓我這個不吃乳鴿的人都很滿足。🍲2️⃣ 招牌手切肥牛（細）$228: 肉質滑嫩，入鍋一滾，超級入味，必點！🥩3️⃣ 手打魚麵$48:低碳選擇，魚麵彈牙又美味，適合怕碳水的朋友。🍜4️⃣ 雲吞（魚皮餃）$63: 大粒雲吞，蝦肉鮮美，實在美味！🦐5️⃣ 豬肚$68: 湯底入味，豬肚超級入味，絕對不容錯過！😋6️⃣ 雞件（水魷魚）$67: 雞件嫩滑，水魷魚爽口，食後滿足。🐔餐廳有圓桌和卡位，讓人可以輕鬆用餐聊天，時間過得飛快！🙌
繼續閱讀