283
6
0
電話號碼
35831123
開飯介紹
除了中式小菜外，餐廳亦提供各式口味的雞煲，如椰子雞、重廈雞及花雕醉雞鍋等。
繼續閱讀
營業時間
今日營業
07:00 - 22:30
星期一至六
07:00 - 22:30
星期日
全日休息
食家推介
相關文章
環境：👍👍👍👍服務：⭐️⭐️⭐️⭐️味道：😍😍😍😍😍影相：📸📸📸📸📸Encore:96%📝進入前要度體溫➖➖➖➖➖➖➖➖➖➖➖➖➖➖➖聽聞新蒲崗呢間打邊爐係出哂名今日「為食兵團」就去會一會佢😂.🔸餐牌除左邊爐外仲有雞煲，椰子雞，鴨煲，海鮮煲等等.🔸重慶辣雞煲 $138中意食重口味嘅你一定要揀呢個玫瑰餐廳拿手招牌煲之一嘅辣雞煲！包你辣到飛起又過癮🤣雖然係半隻雞，但份量吾少👍件件雞件都肉厚，多肉少骨，啖啖肉🥳雞煲加入左多種材料，如辣椒，洋蔥，藥材，薑等醬汁濃稠度較高又多汁，佔鐵煲嘅三份之二大量醬汁嘅精華迫入雞肉中雞件上哂色，非常入味😋食完雞煲後，可以叫店員倒入高湯變身成打邊爐🙆♀️.🔸芝士腸。響鈴卷 $35芝士腸選用金妹牌，薄脆又多芝士💕超薄又鬆脆嘅響鈴就咁食又得，放落鍋中吸湯汁再食亦得👍.🔸松露墨魚丸 $98墨魚丸係手打而成口感彈牙，仲有好多墨魚肉係入面架🙆♀️加上松露元素，層次感豐富～.🔸粟米 $20$20一碟，真係好抵食🥳粟米粒粒金黃色，甜度爆登！.🔸菜肉餃。麻辣香芹餃 $50隻隻都包到漲卜卜，大大粒可能餃餡爆滿😍菜肉餃係韭菜餡，綠油油好新鮮～香芹餃加左花椒，好辣好惹味🔥.🔸檸樂 $18呢到嘅飲品大杯又抵飲用上啤酒杯，加埋冰底打邊爐點少得佢😈
繼續閱讀
由2016幫襯至今，冇一次令我失望過嘅「玫瑰餐廳陳儀興」， 最近見到佢上左蘋果新聞「米芝蓮大廚工廠區開茶記」， 先知原來老闆係前米芝蓮大廚， 唔怪得一直以黎嘅食物都咁有水準，真係失敬失敬。🙏🏾 作為附近居住嘅街坊， 區內真係冇咩港式茶餐廳係稱得上為好食， 而「玫瑰餐廳陳儀興」一直都係我茶餐廳名單中排名三甲之內， 見到新聞之後，又想心思思黎食過返尋味。😂 茶記晚市都離不開小菜和火鍋， 不過小編鐘意打邊爐， 而「玫瑰餐廳陳儀興」真係好真材實料， 所以每次黎都係打邊爐。 先黎個好事成雙～😏 叫半隻滋補花雕雞煲（$138）就可以$38優惠價換購原價$108嘅安格斯牛肉（細），抵喎！ 湯底有齊紅棗、杞子、淮山等，花雕酒香濃，香甜暖胃！ 半隻雞浸泡在花雕酒裏面， 雞件肉厚，肉質嫩滑入味。😋 🌟推薦❗️🌟推薦❗️安格斯牛肉（細） 份量合理， 牛肉雪花均勻， 涮熟後入口爽嫩多汁，肉味豐腴！ 「玫瑰餐廳陳儀興」大部分火鍋配料都可以雙拼， 倆口子都可以試多幾款野食啦！ 響鈴卷、蟹籽丸（雙拼$40） 響鈴卷即叫即炸， 就咁食得，吸湯食都得！ 蟹籽丸係標準蟹籽丸嘅味道。 鮮豬潤、鮮肉青（雙拼 $50） 鮮豬潤厚薄適中，都幾新鮮，口感爽得黎又夠嫩滑。 鮮肉青和平常豬頸肉嘅賣相相似，肥瘦相間， 嚐起來比普通豬頸肉更爽嫩鮮香～👍🏻 上次食過「玫瑰餐廳陳儀興」嘅松露墨魚丸（$98）覺得好好食，今次要再encore！😏 自家製嘅墨魚丸， 仲有粒粒墨魚肉係裏面，口感爽彈，墨魚香十足， 黑松露亦毫不吝嗇，味道香濃，keep得住水準！🌟推薦❗️ 最後要杯火鍋限定嘅大飲特飲， 加$18就可以追加原價$31嘅特大杯裝汽水， 雖然都只係得一罐汽水， 不過自己倒感覺冇偷工減料。
繼續閱讀
平時喜歡四圍走，今晚比我發現這裡，首先位置雖然唔係在大商場內，但都唔難搵，旁邊就有座新嘅port33地標，這裡在開飯見到大部份都係火鍋，除了火鍋外原來小菜都十分出色，同埋兩個朋友在這裡吹下水，價錢都唔貴之餘，份量十足，加埋個飯，真係食得好飽飽！玫瑰小炒王，大大隻蝦乾，入口口感煙韌香口，十分有口感！加埋彈牙魷魚，脆口花生，清新爽口嘅韮菜，大大碟真係要碗白飯一齊入口！拔絲咕嚕肉，分量十足，每件咕嚕肉上面都沾滿醬汁，咬開外面脆口內裡軟熟，真係啖啖肉之選！鐵板蠔仔煎蛋，上枱用上熱盪盪嘅鐵板，仍然看到個種非常熱盪盪嘅溫度，煎蛋煎得十分香口，配上爽口嘅芽菜，入口唔會覺得乾身，味道剛好，而蠔仔入口啖啖肉，十分好味道！沙爹金菇肥牛煲，一個熱辣辣嘅煲內放滿了金菇同肥牛，加埋濃郁嘅沙爹汁，肥牛十分入味，真係要多加個白飯先可以！而這裡的食客同店員時常都有傾談，感覺就好似朋友嘅感覺，十分親切，食物質素高之餘還可以有講有笑氣氛嘅環境食飯真係唔錯！
繼續閱讀
之前同朋友黎過呢度打邊爐，覺得平靚正，今日禁岩新蒲崗返工，所以放工突登叫埋老公過黎打邊爐！估唔到平日仲要疫情時間都禁爆場😆，同老公叫左個胡椒豬肚雞做湯底，出面真係無試過呢個湯底打邊爐🤣首先試左個湯先再放雞，胡椒味超香濃，飲完即刻feel到好暖身！冬天會好岩飲😋 豬肚都好多好足料，好食之後加雞滾十幾分鐘左右，雞好嫩滑，仲有淡淡胡椒香，都好襯woo!最重要雞我地無即時食哂，就算滾左成粒鐘都唔會鞋👍🏻👍🏻叫左碟細既手切肥牛， 好嫩滑牛味又夠香濃，好正。響鈴同炸魚皮各一半，2人食份量岩岩好，唔洗叫全份幾好，呢2樣我地覺得打邊爐必點，香脆可口😝仲有禁岩做緊promote, 叫胡椒豬肚雞湯同like fb page 加$1 就有碟牛柳粒啦🥰🥰我個人鐘意肥牛多d🤣🤣但老公就鐘意粒，因為牛味更香同更有咬口！呢道最出名既手打松露墨魚丸，松露香濃，但又唔會蓋過墨魚味，因為中間會塞滿彈牙既墨魚粒粒，真材實料，夠哂爽彈！
繼續閱讀
朋在新蒲崗呢頭翻工，呢日就相約佢收工後直接係附近食飯-好想打邊爐所以就搵到呢間，就佢收工就行黎一入到去，餐廳無特別裝修，係好香港茶記既感覺所以本身對佢既期望唔大～火鍋配料比想像中多種類，竹笙、牛骨髓都有，金沙青、玻璃肉、不見天問完店員我先知係豬既唔同部位😂不過今日麻麻地想食豬所以唔試住我地兩個人～叫左胡椒豬肚雞煲😛真係估佢唔到！估佢唔到！估佢唔到！！！竟然係三皇雞😱😱😱真係食得出佢係真係三皇雞，雖然肉質唔算太滑，但朋友一咬落去就話好有雞味！！完全係有驚喜！打邊爐好少何會食到咁重雞味既雞🤩🤩🤩愛雞之友一定要黎試下，真係出奇地有雞味🙈口感唔算超滑但都屬於嫩既～-好足料好大煲，仲要唔係交行貨個咸酸菜完全係我口味😛-身為牛魔王既我點會放過手切肥牛呢份係細既 $168牛味香，肉質嫩口，對得住招牌呢個字-朋友叫左杯凍奶茶 點知係咁大杯😂一杯夠兩個人飲 只係$21對奶茶有要求既友人都滿意，表示欣賞餐廳既茶膽👍🏻👍🏻-一定要點呢個牛柳粒 like左fb 只係加$1加一蚊就有呢碟牛柳粒，全餐除左隻三皇雞之外，呢個又係另一個必食位🤭淥完之後，同朋友一致覺得牛柳粒好食到太誇張😂甚致一度懷疑點解可以咁好味😂😂滿滿牛味同油脂既香味，呢個比起手切肥牛又係另一個層次🤭🤭💛記得一定要like facebook加呢一蚊不過就算正價$98 我都一定會點黎食！😍因為真心超出預期既好食，但建議放一陣或者淥多陣先食，因為上台既時侯好似未解哂凍-配料可以雙拼真係岩哂我地，兩個人黎食又想食多幾款☺️食到勁飽，個雞煲絕對值回票價，兩個人十成飽每人只係2百蚊鬆D為左隻三皇雞同牛柳粒我會再來～😆😆
繼續閱讀