百味堂 (已結業)

去尖沙咀k11附近打完麻辣邊爐，個嘴同條脷好麻，好想搵啲又凍又甜嘅嘢黎食吓，心諗食雪糕就最啱啱好！其實一直都好想試百味堂嘅雪糕，次次都無機會，所以今次把心一橫就去買嚟試下。一向都我都好中意soy milk，所以有任何有soy milk嘅product都會係我嘅首選😂 呢杯雪糕嗰賣相好真係有莫名奇妙嘅喜感😂雪糕嘅質感好滑好滑，入口就化哂，而佢個豆味真係濃郁到爆炸，真係一啖接一啖！嗰cone好脆，個味係淡淡地嘅，所以加埋啖豆味濃郁嘅雪糕，真係perfect!!