Chez Shibata (已結業)

玻璃櫥櫃裡面既甜品, 每一件都很精美, 望住佢地, 真係視覺上既享受。因為件件都想試, 難免會心大心細, 好難選試食邊一件蛋糕!餐廳既佈置都好用心,我最鐘意就係呢個用 madeleine 貝殼蛋糕組成既裝飾擺設。熱帶香蕉撻:有香濃既香蕉味喺裡面, 絕對唔係香蕉精油既味道。想必用了新鮮的香蕉, 做成了香蕉茸。外面的忌廉好滑, 仲有好多椰絲,食落的確有熱帶風情, 與甜品名稱好合襯。熱帶朱古力:層次分明, 真係做得頗出色。裡面有芒果同熱情果既味道,而流落黎既朱古力醬帶點微酸, 苦苦既酒味。焦糖 mousse 既味道, 唔明顯。chocolate mousse 就選用了濃一點的朱古力, 所以成件甜品唔會過甜。夏天食呢款甜品幾啱, 酸酸甜甜, 好味。另外, 還贈送 2件迷你 macaron,黃色係檸檬味, 咖啡色係朱古力味。macarons 唔會好甜, 但略嫌整得太細件, 望落同食落去, 感覺似食餅仔, 多過似食 macarons。