影片
更多
2022-01-20
87 瀏覽
中午同同事去左MUSEA食晏，做野做到無乜胃口，所以就決定食得輕盈啲，去幫襯DAMA。之前嚟食雪糕多，今次第一次食鹹食。原來小店嘅鹹食選擇唔止得沙律，佢仲有卷物WRAP同冷麵同植物肉醬長通粉。套餐價錢$88，我覺得都OK呀，因為包埋飲品。🍜自家製麻辣百頁豆腐淮山拌麵🍜冷麵幾有驚喜，淮山麵條好適合做冷麵，因為條條分明，唔會漿住，而且質感又好Q彈。配料有車厘茄、碗豆、冬菇、沙律菜同百頁豆腐，後者好味道，口感煙韌得意，經稍作調味，所以一啲都唔淡。最後，麻辣汁亦合我心意，佢集麻酸於一身，惹味香濃。🌯牛油果燒烤醬素菜卷🌯卷物雖然包住菜餡，但感覺唔單調，牛油果肉綿密，生菜青瓜爽脆，兩者夾埋相映成趣。燒烤醬亦都好好，激起味蕾，但又不搶味。卷物飽腹感略勝冷麵。不過留意返，卷物可能係預先製作，所以並非熱辣辣送到手上。🍎招牌水果烏龍茶🍎最怕茶飲會好甜，不過DAMA出品可讓人放心，即使無嗌少甜，甜度都適中，烏龍茶底甘醇唔澀。當中不乏各種果肉，如士多啤梨、蘋果、橙同檸檬等，所以水果味天然，非人工糖水。🍵熱抹茶燕麥拿鐵🍵天氣凍飲返杯暖笠笠嘅熱飲好窩心，估唔到無落牛奶都做得到咁滑嘅口感，而且更多咗份燕麥香，抹茶味
中午同同事去左MUSEA食晏，做野做到無乜胃口，所以就決定食得輕盈啲，去幫襯DAMA。之前嚟食雪糕多，今次第一次食鹹食。
原來小店嘅鹹食選擇唔止得沙律，佢仲有卷物WRAP同冷麵同植物肉醬長通粉。套餐價錢$88，我覺得都OK呀，因為包埋飲品。
🍜自家製麻辣百頁豆腐淮山拌麵🍜
冷麵幾有驚喜，淮山麵條好適合做冷麵，因為條條分明，唔會漿住，而且質感又好Q彈。配料有車厘茄、碗豆、冬菇、沙律菜同百頁豆腐，後者好味道，口感煙韌得意，經稍作調味，所以一啲都唔淡。最後，麻辣汁亦合我心意，佢集麻酸於一身，惹味香濃。
🌯牛油果燒烤醬素菜卷🌯
卷物雖然包住菜餡，但感覺唔單調，牛油果肉綿密，生菜青瓜爽脆，兩者夾埋相映成趣。燒烤醬亦都好好，激起味蕾，但又不搶味。卷物飽腹感略勝冷麵。不過留意返，卷物可能係預先製作，所以並非熱辣辣送到手上。
🍎招牌水果烏龍茶🍎
最怕茶飲會好甜，不過DAMA出品可讓人放心，即使無嗌少甜，甜度都適中，烏龍茶底甘醇唔澀。當中不乏各種果肉，如士多啤梨、蘋果、橙同檸檬等，所以水果味天然，非人工糖水。
🍵熱抹茶燕麥拿鐵🍵
天氣凍飲返杯暖笠笠嘅熱飲好窩心，估唔到無落牛奶都做得到咁滑嘅口感，而且更多咗份燕麥香，抹茶味亦恰到好處，又無死甜。我完完全全愛上呢杯MATCHA LATTE。
🍨燕麥奶素雪糕🍨
之前只係食過軟雪糕，杯裝就未試過。純素雪糕杯有六款口味可選，價錢由$38至$48不等。我呢日就試咗燕麥味，皆因水果味好似同夏天搭調啲。燕麥味有點似麥精味，味道老少咸宜，感覺健康。其實純素雪糕嘅發明真係令乳糖不耐症嘅人可一享口福。
最後，我想特別讚下店內兩位年輕女店員，佢哋超好禮貌，又好笑容，主動積極提供協助，就連我買一杯雪糕，佢都問我係咪即食，如果唔係可提供乾冰！小店值得高度推介，讓人體驗純素好滋味💚，雪糕甜點以及鹹點輪食一應俱全。
張貼
