La Postre (厚福街) (已結業)

尖沙咀厚福街美食雲集，每次過來厚福街，都經過呢間藍色外牆既餐廳，其外型顏色都相當有突出，今日終於有機會同朋友過來一試啦！🤩呢間係西班牙菜色，碟碟都非常有特色！而且份量十足，一碟係二人份量。我地order左個前菜沙律🥗，主食西班牙蜜糖豬手，同甜品抹茶麻糬窩夫，飲品叫左壺蜜糖玫瑰花茶，真養生😛沙律: 有餅乾條咬下👍少見沙律有無花果，幾特別。有新鮮既定章魚片，配有芝士片，加上酸酸甜甜既沙律汁，幾開胃🤤蜜糖豬手: 真係好大好大份🙀豬手已切開，食落十分方便。豬手外皮非常香脆，肉質易咬。醬汁係芥末醬，可再加蜜糖。食完呢份，已經飽左9成，因為除左豬手，仲加有沙律菜拌碟，十分抵食😚值得下次再encore 🥰抹茶麻糬窩夫:呢份甜品又係不得了！雖然主食食飽，但食甜品係兩個胃呀嘛，一定要食埋甜品人生先完美！抹茶味香濃，有麻糬係中間，所以口感煙煙un un, 連雪糕球都係抹茶味，望落是咪好想食呢？🤭😏整體份量大，連玫瑰花茶都一大壺。最後飲吾曬😩菜色有特色，環境都幾舒服。下次行間尖沙咀，不妨過來一試西班牙特色菜