花師奶 (已結業)

同母親大人預祝生日，當然要食好嘢! 做足晒準備功夫之後卒之係來咗呢間好吊腳既日本料理~花師奶都算係間中高價既日本餐廳，套餐有一系列從頭盤到甜品既菜式，菜式設計上其實就冇乜特別，不過各樣都有啲，而且都會啱我地口味叫咗個2人套餐，上菜速度算快，各道菜味道同價錢成比例，個人就唔係好挑剔既~ 所以基本上覺得全部嘢食味道都相當不俗! 不過都不足以令到想寫食評，真正令我想寫食評既就係呢個紫菜茶泡飯~佢用既其實並非紫菜湯，紫菜湯細細個都成日飲，除咗紫菜之外，通常會加埋瘦肉同粉絲，令到成個湯既味道會偏鹹；而泡飯通常就會係用啲濃味少少既湯底，好似冬瓜粒湯或者蕃茄肉片湯等等，花師奶呢道紫菜茶泡飯恰恰相反，紫菜茶並冇加到瘦肉，反而令紫菜既味道更突出，另外再加咗少少葱花，令到成碗飯睇落有少少似麵豉湯~~泡飯係用咗珍珠米來整，粒粒漲卜卜既米食落口感煙韌，比起平日食開用普通絲苗米來整既泡飯更有咬口，加上有湯浸住，令到珍珠米更加飽滿~ 雖然絲苗米飯香會比珍珠米重，但係個人就認為用有口感既珍珠米令碗泡飯變得更有特色!呢道泡飯其實食落會比較清淡，對於重口味既朋友可能就麻麻地~ 但係我又反而覺得呢道菜能夠中和番之前食過幾