肉骨皇 (已結業)

諗唔到食咩 行行下就入左呢間餐廳店員好好人，一黎就講我地知係社交平台like就可以有免費飲品一杯。於是我地就叫左桔仔酸梅水（$28）同埋熱蜂蜜柚子茶（$28），桔仔酸梅水有驚喜雖然佢地標榜肉骨茶，但我地想試新野，叫左呢個海南雞喇沙跟油麵同米粉兩溝（$88），個湯頭味道好濃好香好吸引， 兩種麵溝埋口感好好。亞參魚 （$98），係一個煎鯖魚配上甜酸醬，加上茄子同秋葵，味道好特別。臭豆參巴煎蛋餅（$88） 好香口，好有獲氣 加上用左臭豆同參巴去煎，絕對係一個好味既新體驗。最後仲叫左個油飯（$15），香而不油。門口仲有閉路電視，唔洗怕俾人炒牌啦🤣