影片
更多
2016-05-21
298 瀏覽
公主一詞通常出現係小朋友既故事書內，王子錫錫，壞人後母，長大了愈黎愈少做公主既機會，宜家做左人媽媽，公主之位頓時失去，老公話比個機會我做一晚公主，於是去左公主Cafe當一晚公主。 餐廳環境優美，無論擺設，佈置，氣氛都令人置身童話世界中。餐廳主要以白色為主，好多蝴蝶，馬車既童話佈置。老公話今晚任我食咩，任我點，未點餐前，侍應送上Welcome food，令人驚喜萬分。先有曲奇，曲奇有幾隻味，我最中意魚子醬，好香既魚子醬味，真材實料，咖啡合桃味曲奇有濃厚既咖啡味，非常香。餐廳為左照顧各人需要，仲有健康曲奇，當中我中意洛神花曲奇，洛神花可以降血壓，一般人用來飲用，無諗過可以作為曲奇材料，味道有少許酸澀，但有曲奇甜味，兩個味道互相中和，十分特別！再來Gentleman Butter配麵包，Gentleman Butter味道好特別，唔同一般牛油，無咁甜無咁膩，我十分欣賞！另外仲有Olive Oil＆醋配麵包，麵包十分鬆軟，本身以為係淨麵包，但入面有提子乾，少少合桃，喜出望外！焗紅菜頭，黃菜頭配松子仁，西瓜全部都是健康食品，菜色設計好考心思，老闆娘話呢個菜叫心心相印，紅菜頭黃菜頭，西瓜都呈心形
餐廳環境優美，無論擺設，佈置，氣氛都令人置身童話世界中。餐廳主要以白色為主，好多蝴蝶，馬車既童話佈置。老公話今晚任我食咩，任我點，未點餐前，侍應送上Welcome food，令人驚喜萬分。
先有曲奇，曲奇有幾隻味，我最中意魚子醬，好香既魚子醬味，真材實料，咖啡合桃味曲奇有濃厚既咖啡味，非常香。餐廳為左照顧各人需要，仲有健康曲奇，當中我中意洛神花曲奇，洛神花可以降血壓，一般人用來飲用，無諗過可以作為曲奇材料，味道有少許酸澀，但有曲奇甜味，兩個味道互相中和，十分特別！
再來Gentleman Butter配麵包，Gentleman Butter味道好特別，唔同一般牛油，無咁甜無咁膩，我十分欣賞！另外仲有Olive Oil＆醋配麵包，麵包十分鬆軟，本身以為係淨麵包，但入面有提子乾，少少合桃，喜出望外！
焗紅菜頭，黃菜頭配松子仁，西瓜全部都是健康食品，菜色設計好考心思，老闆娘話呢個菜叫心心相印，紅菜頭黃菜頭，西瓜都呈心形，未食已經覺得甜絲絲，我好中意伴碟的Cream，有點檸檬味，雖然有少少苦澀，但配埋紅菜頭，黃菜頭既清甜味，食用味道岩岩好，西瓜又甜又多汁，菜色賣相好靚，睇落好似半個太極咁，咁多心心，用黎求婚，示愛都一流！
香煎椰菜花配醋浸提子呢個菜既設計同鋪排好有心思，椰菜花有3層，愈底愈酸，第2層既椰菜花最美味。椰菜花曾經煎過，食落好爽口好脆，好有咀嚼感，配埋酸酸既醋同提子，雖然好酸，但十分特別，酸既程度屬於可以接受。早前紅菜頭甜，呢個椰菜花酸，用黎做Startar一流！安排具心思~
西班牙燒大蝦配香脆蒜粒，韭菜花先唔講味道，淨係講個香味已經係"香味奪人"，一上枱一陣香濃蒜味，仲有我最愛既銀芽墊底個點綴，銀芽同大蝦吸收晒香濃蒜味，食起上黎好香口惹味。大蝦係新鮮蝦，明顯地食起黎有新鮮蝦味，沒半點雪藏味，蝦肉大大件而飽滿，身為公主既我最愛呢個菜！今晚之最~
北海道刺身級帶子配柚子醋，蘋果，蘋果茸有個好大個既貝殼，貝殼下面係一堆粗鹽，賣相好靚，好有海灘feel。帶子帶點青蘋果同柚子味，兩個味道參半，青蘋果味令帶子變得好香甜。帶子肉結實飽滿肉厚，一啖咬好似"先"入口咁，滑0都0都，入口即融化，想唔到蘋果同帶子味道咁match！
香煎深海爐魚配燒雅支竹，甘荀苗爐魚係新鮮爐魚，完全零雪味，魚無用特別材料烹調過，只係用海鹽普通煎過，令我地食到魚既鮮味，魚肉白雪雪，肉質甜甜地，好有魚既鮮味，肉味肥美，無骨既魚肉令魚好乾淨，賣相美觀。甘荀苗煙煙韌韌，食落有啲似薯條味呢！
龍蝦空心粉空心粉長長地，類似長通粉，個汁有少少咸咸地，細問之下原來係用龍蝦餚成的汁，唔怪得咁滋味。龍蝦肉好肥美，肉質細膩緊緻多汁，蝦肉入口好彈牙！係出色上等既主菜！
藍莓天使，草莓仙子睇個名，未食已經覺得靚啦！再睇埋個賣相，不得了！隻草莓高踭鞋完全有公主feel！"王子從來未遇到灰姑娘~~~"藍莓酸酸地，用新鮮藍莓造，選材新鮮！草莓仙子同伴碟既草莓一樣，咬落第一嗎去先係酸酸地，但再食落就會甜甜既味道。甜品賣相設計，手工既精緻令我好佩服。
食飽飽我仲讚下老公，佢今晚做到野喎！我真係做左一晚公主，但佢係咪王子？哈 睇你點睇啦XD
張貼
