百味鮮辣蟹專門店 (已結業)

今日去開香港大學 聽完堂examiner 同個同學仔去食飯 二話不說就去咗呢間餐廳 貪佢夠就腳 附近就係地鐵站。入到去就建議我哋飲茉莉花茶， 我哋就叫咗個話梅醉豬手， 杞子豬潤浸菜心， 川辣辣雞煲 芥末一口牛柳粒 ，再配合白飯。 雖然間舖頭主力係賣蟹， 但係我哋得兩個人， 邊食得落隻蟹， 都係食返啲普通嘢啦。話梅醉豬手，冇想像中嗰皮甘脆， 勝在夠凍，酒味都幾香， 唔夠話梅味。再來辣雞煲 ，好有四川嘅口味 ，但係上面嘅辣油，有啲多不過味道都唔錯。至於芥末一口牛 ，牛肉分量比較少， 主要都係以食青瓜為主， 芥末味都夠嘅， 不過就好似太過癡身， 好似食落成口醬咁。杞子豬潤浸菜心， 個菜心好新鮮， 最重要又夠嫩口， 食落唔會話有黐牙 ， 最重要係覺得佢好抵食，個菜又夠多 ，至於果豬潤 都係擺多， 因為驚膽固醇高， 但係有啲豬潤先顯得個菜夠香 ，有啲肉味 ，唔食有少少浪費啦。如果諗唔到食咩 ，有嚟開呢頭， 可能都會再來， 因為未食佢嗰蟹，同因為貪佢近地鐵站。