73
30
4
等級2
11
1
今日帶狗狗到荃灣,事前特登搵定呢區的寵物友善餐廳,亦鎖定要到「轉角•見」。不過,因為未嚟過,所以當接近目的地時,我就以為係最盡頭呢一間。誤會之所以出現,無非係因為呢間餐廳佔據corner位置,加上當時有檯客係同2隻狗狗一齊喺室外座位用膳,所以,雖然轉角•見喺正隔離,我都係去錯咗我完全冇理間餐廳招牌,就馬上柯打咗慢煮雞肉意大利包、牛油果炒蛋沙律配意大利包、熱焙茶鮮奶、凍朱古力同埋桂花豆腐芝士餅。直至俾完錢返埋位,同狗狗爸爸望住隔離「轉角•見」的招牌,我仲懵盛盛,然後狗狗爸爸話:「唔係喎,兩間餐廳嚟喎~」。兩間餐廳室外地域冇明確劃分,雖然佢哋啲檯櫈真係唔同,不過...總之...我真係搞錯咗。慢煮雞肉意大利包係狗狗爸爸食,我諗味道可以,而我點的係牛油果炒蛋沙律配意大利包。意大利包烘得鬆軟,牛油果新鮮,炒蛋的蛋味一般但好滑,沙律菜就係大路嘢。兩杯飲品,先講熱焙茶鮮奶,焙茶味真係好濃好濃,味道唔錯,不過第一啖飲係會有少少濃茶的苦澀,因為飲品冇加糖,店員亦冇提供糖包。凍朱古力的朱古力味夠,不過狗狗爸爸話:「係咪少甜?」我冇柯打少甜,不過真係比較少飲到凍朱古力會自動少甜。我覺得如果兩款飲品都可以因應
更多
今日帶狗狗到荃灣,事前特登搵定呢區的寵物友善餐廳,亦鎖定要到「轉角•見」。不過,因為未嚟過,所以當接近目的地時,我就以為係最盡頭呢一間。誤會
之所以出現,無非係因為呢間餐廳佔據corner位置,加上當時有檯客係同2隻狗狗一齊喺室外座位用膳,所以,雖然轉角•見喺正隔離,我都係去錯咗

0 瀏覽
0 讚好
0 留言


0 瀏覽
0 讚好
0 留言

我完全冇理間餐廳招牌,就馬上柯打咗慢煮雞肉意大利包、牛油果炒蛋沙律配意大利包、熱焙茶鮮奶、凍朱古力同埋桂花豆腐芝士餅。直至俾完錢返埋位,同狗狗爸爸望住隔離「轉角•見」的招牌,我仲懵盛盛,然後狗狗爸爸話:「唔係喎,兩間餐廳嚟喎~」。兩間餐廳室外地域冇明確劃分,雖然佢哋啲檯櫈真係唔同,不過...總之...我真係搞錯咗


慢煮雞肉意大利包係狗狗爸爸食,我諗味道可以,而我點的係牛油果炒蛋沙律配意大利包。意大利包烘得鬆軟,牛油果新鮮,炒蛋的蛋味一般但好滑,沙律菜就係大路嘢。
慢煮雞肉意大利包
$60
0 瀏覽
0 讚好
0 留言


慢煮雞肉意大利包
0 瀏覽
0 讚好
0 留言


牛油果炒蛋沙律配意大利包
$48
0 瀏覽
0 讚好
0 留言

兩杯飲品,先講熱焙茶鮮奶,焙茶味真係好濃好濃,味道唔錯,不過第一啖飲係會有少少濃茶的苦澀,因為飲品冇加糖,店員亦冇提供糖包。凍朱古力的朱古力味夠,不過狗狗爸爸話:「係咪少甜?」我冇柯打少甜,不過真係比較少飲到凍朱古力會自動少甜。我覺得如果兩款飲品都可以因應食客口味,自行調配甜度會好啲。而家就健康啲啦!

焙茶鮮奶
0 瀏覽
0 讚好
0 留言


焙茶鮮奶
$36
0 瀏覽
0 讚好
0 留言


凍朱古力
0 瀏覽
0 讚好
0 留言

後上的桂花豆腐芝士餅好有驚喜,因為佢,令我覺得今次錯有錯著。蛋糕有齊桂花味、豆腐味同芝士味,而且中西合壁好特別。最上層透明的桂花糕令到件蛋糕睇落好靚、好吸引
,仲要唔係得個樣,好開心可以誤打誤撞遇見佢

桂花豆腐芝士蛋糕
3 瀏覽
0 讚好
0 留言


桂花豆腐芝士蛋糕
1 瀏覽
0 讚好
0 留言

我覺得Browny Cafe水準唔錯,明顯地飲品同食物都係有heart咁去預備,如果加少少微調就好好喇。另外,呢間餐廳仲係寵物友善餐廳嚟添!
我推薦大家可以嚟食件cake同埋試下佢的咖啡。今次我係柯打完先見到原來係主打咖啡,亦見到有人嚟外賣咖啡,應該唔錯呀。再者,呢度位置比較隱蔽,喺通道最篤的位置,唔會有人刻意路經,得閒嚟過一個寧靜的午後,都係一種享受~

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-01-01
等候時間
5 分鐘 (堂食)
人均消費
$93 (下午茶)
推介美食
焙茶鮮奶
$ 36
桂花豆腐芝士蛋糕