食雞

營業中

休息中

今日同老公兩個又心思思想食雞煲，喺網上搵到呢一間新開嘅雞煲放題，坐車過去都好方便，所以決定今日就食呢一間，首先打去訂枱係我一貫嘅做法✌🏻，因為我真係好怕等😂，去到就可以馬上入座，入到去環境非常闊落，服務員非常好禮貌，首先佢會比張點菜紙比你，去選擇你既雞煲要幾辣，幾多芫荽同洋蔥，但係呢一度個雞煲只可以食一轉，如果食完你想再加就要比$50，首先講下佢個雞煲先，真係真係好好食，分量十足，好夠味，但又唔會太咸，啲雞入晒味🤤🤤，而佢亦都會提供花椒俾你，如果你覺得唔夠辣可以自己再加，之後佢會提供一個拼盤俾你，入面有，西班牙黑毛豬梅肉，肉味濃郁同埋好滑👍🏻👍🏻，安格斯雪花肥牛，牛肉味好濃同埋好腍👍🏻，仲有韓國珍寶蟹棒、魚皮餃、魚皮、白蘿蔔及金菇菜等等.......我自己就再加左響鈴、粟米，豬皮，鮮蝦雲吞，材料十分新鮮，飲品方面亦係任飲，非常多嘅選擇👍🏻，如果想飲啤酒，只需要加$20一位就可以啦，仲有佢係新張期內五位入坐就會送一位👍🏻👍🏻，整體來講值得一試