119
6
1
港鐵旺角站 A2 出口, 步行約8分鐘 繼續閱讀
電話號碼
92202291
開飯介紹
任食雞煲,另外亦有多款火鍋配料、汽水啤酒都可任飲任食。食客可自行加花椒控制麻辣度。 繼續閱讀
營業時間
今日營業
17:00 - 00:00
星期一至日
17:00 - 00:00
*截單時間:23:30
付款方式
Visa Master 現金 銀聯
其他資料
網上訂座
餐廳運作模式 - C類 詳細介紹
賞訂座積分
加一服務費
有關獎賞計劃
食評 (136)
無論雞煲定配料質素都係好既。所以我係第3次番黎幫襯。但今次受到既對待令我唔會再黎。我18號打電話訂位話訂(聽日)7:45。今日訂聽日,唔洗講日期唔洗講星期,一定唔會mark錯啦。點知到店,話我無訂位,查通話記錄有我電話但聽電話既人無mark.。見現場約4成枱吉既,又話全部比人book晒。問佢嗰張明明食完走左未執,又話嗰張枱老闆既。有張明顯係隔離枱太多野放私人物品既,又話係番留比老闆。放棄出門口計劃去第二度食野,一陣就出黎話老闆話佢張枱比我地。咁啱大雨,佢d野又係好食既,於是都係入店幫襯。點知叫左1次安格斯,上左3碟各3塊之後,就所有安格斯全部無晒?同埋佢之前所講既book晒,老闆留既枱,都無人黎過坐囉……呢間店本身無限時任食,我認為我8點先到食到9點半都飽先會打去book呢個時間。如果間店覺得咁遲先入座係唔適合或者阻住佢地會收舖,可以訂位時聲稱滿左,咁我可以唔洗特登行去。又或者咁啱遇到大胃王食晒d食材招呼唔到我地呢d遲黎既,可以直接講,唔洗想唔比我地入,入左又9塊安格斯就全部顯示售罄。有位上菜既姐姐好好禮貌好親切,所以先會比ok而唔係差評。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-19
1556 瀏覽
今天和男友來這家吃雞煲,他預先在Openrice買了餐飲券,每人兩百五左右。餐廳地方寬敞,我地選了川辣味雞煲,中辣,我覺得辣度剛好。他之前試過B B辣,說會比較甜。有成隻雞,而且也不會太肥,我覺得味道很好。另外我們叫了邊爐料:手打墨魚丸、炸魚皮、黑椒牛筋丸、肥牛等都值得一試,用料新鮮,絕不馬虎。尤其是炸魚皮,男朋友說沒有油壓味。如果大家吃不了太辣,就不要用辣湯煮菜,我男友辣到呱呱叫😜這家餐廳還有甜品,非常有誠意。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-07
995 瀏覽
難得一班同事,可以咁齊人一齊食飯,就要搵間食得耐,又坐得舒服既餐廳啦。$258任食任飲,雞煲~打邊爐都得!雞煲,有6款口味選擇,我就食咗其中既2款,椰子同川味。椰子味真係幾好味,一啲都唔咸,有椰香味,仲有粟子食。川味就有得揀辣度,我哋就揀左BB辣,食到咁上下,可以加湯打邊爐,好惹味~兩煲既雞都要講彩數,有啲雞好碎無乜肉食,有啲就啖啖肉打邊爐方面,配料都有好多選擇,肉類、丸類、菜類乜都有。樣樣都好新鮮,仲有鴨血添。餐廳坐得闊落,同服務好好,永不吹人~食到10點都無問題!真係好岩一班人去食,可以慢慢傾計都得。地點就唔太近港鐵站,行過去都要十幾分鐘。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-18
978 瀏覽
大角嘴任食雞煲~地方幾寬闊 上菜夠快味道ok 打邊爐款式夠多整體來講衛生環境OK算抵食 可以一試張枱都唔算細我哋四個人一台一次過點好多嘢都放得晒喺張枱度嘢飲方面都幾多有汽水啤酒竹蔗水等等任食雞煲味道黎講算合格雞既份量都幾多 牛有兩款俾你揀啱晒年青人去食餐勁丸呀水餃啊雲吞嗰啲都有仲有鴨血 魚皮響鈴嗰啲不過地方方面就有啲唔就腳如果特登去嘅話坐MTR去都要行一段時間可能佢做街坊客多我見嗰日去都坐得幾滿埋單三百幾一個人算合理啦 繼續閱讀
(以上食評乃用戶個人意見 , 並不代表OpenRice之觀點。)
等級3 2021-04-09
1086 瀏覽
4月朋友生日🎂都頭痛緊去邊度食,因為限聚令4人一枱,我地有8人😑都係要分開坐,所以最後决定去食雞煲打邊爐,因之前朋友食過,介绍過依間雞煲非常好食,係地點唔算就脚,太子地鐵站再行8~10分鐘左右,係大角咀,都係跟朋友行,如果自己行都可能少少難揾🤣去到環境都寬闊唔迫,可能唔就脚,所以冇坐滿客,但都坐得舒服嘅;我地倆枱前後叫了幾款唔同雞,叫咗麻辣雞煲,椰香雞煲,芝士雞煲。一叫都好快上煲,仲係用枱面黃色漏斗計時🚊我地就覺得麻辣😋芝士最好味😋。依度嘅雞肉好滑好好味,麻辣我地已經叫中辣,但覺得唔夠,伙記都好有禮拎多碟🌶🌶🌶🌶🌶比我地加先夠辣,另外芝士味🐔有驚喜,好入味因為加咗粟子,芋頭。另外椰香🐔係最冇味同非常啖口😑食完2輪雞煲,再食火鍋打邊爐,叫咗番茄湯底,選料雖然唔多款,但每樣丸類都大大粒,香腸又好大條,牛肉都有好多款😋仲有黑毛豬都算好食😋仲有甜品有啫喱,仲有花奶加👍如果唔係限聚令去到10:00pm🤭我諗我地打完邊爐後會繼續order食雞煲😂 繼續閱讀
(以上食評乃用戶個人意見 , 並不代表OpenRice之觀點。)