98
3
1
港鐵太子站 C2 出口, 步行約9分鐘 繼續閱讀
電話號碼
92202291
開飯介紹
任食雞煲,另外亦有多款火鍋配料、汽水啤酒都可任飲任食。食客可自行加花椒控制麻辣度。 繼續閱讀
營業時間
今日營業
18:00 - 02:00
星期一至日
18:00 - 02:00
*截單時間:00:30
付款方式
Visa Master 現金 銀聯
其他資料
網上訂座
深夜營業
賞訂座積分
加一服務費
有關獎賞計劃
食評 (111)
 今年熱到爆炸,冬天衫都唔洗拎出黎但火鍋店一樣坐爆場今次介紹呢間叫食雞位於大角咀,又可以話近旺角即點即煮雞煲,仲有好多款口味選擇一大班朋友年前年後飯局約埋食最好的選擇唔限時,任食任點,爽到爆炸加錢仲有任飲啤酒,超抵!店家力推芝士雞煲/南薑/養生正氣雞煲/椰香雞我兩人就試試新派芝士雞煲先!落單後,雞煲要稍等10~15分鐘由於係即煮,等既時間出去自助區拎下野飲先 食材夠新鮮有多款蔬菜選擇! 仲有甜品食! 有自家製菊花水,茶包,自助任飲雪櫃有十幾廿款唔同牌子飲品任飲加錢可飲啤酒 川味,可選辣,唔同配料既多與少芝士就最岩一家大細食  芝士雞煲加入白汁,大量芝士,蟹棒條先焗3-4分鐘,即時食得,雞件肉多,肉質細嫩芝士香而不油膩蟹棒吸飽醬汁,味道昇華!食完雞煲已經七成飽,雞件好多!店家會先上拚盤有魚皮餃,丸,韓式蟹棒條,西班牙豬肉,安格斯肥牛等等,仲有炸魚皮,有咩需要可以再落單加 加雞湯後變火鍋西班牙豬肉特別有肉味,也夠甘香打邊爐一流肥牛肉味濃,煮個30秒就食得,夠曬嫩滑自助區有醬汁吧自選辣椒蒜,麻,蔥齊全鍋料任食肉有午餐肉,黑毛豬片,肥牛,豬皮,牛柏葉等有唔同既丸,餃子,日版一丁!仲有韓式芝士辣麵呢度食材高級好多,又有任食,推薦!!最重要唔會迫到行唔到!!大角咀洋松街38號地下1-2號舖Shop 1-2, G/F, 38 Larch Street, Tai Kok Tsui 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-23
477 瀏覽
十二月份,四位家人生日,諗食乜真係有點頭暈,得到嚟過好多次的姨甥女既極力推介,我們一行十一人,便走咗過嚟食飯兼慶生。 我們檯面有三個爐,叫了椰香雞煲(不是椰子雞煲喔!係有點類似青咖哩混合了椰奶的泰式風情既雞煲,味道恰到好處,正!👍👍👍),川辣雞煲(與平日出面食到的雞煲相比,這兒的更香濃。😍)芝士雞煲(我就覺得味道較淡,但小朋友都很喜歡,果然係兒童適宜喔!)😂 除了味道外,三款雞煲的雞肉都很滑嫩,不會嚡烚烚的,這點最值得欣賞。我們更後加多一轉椰香雞煲呢! 配料方面,丸類彈牙,不會食到一口粉的。而熱狗腸同健力士啤酒腸都是超巨型的,落單時,注意旁邊寫明Big的,真係超巨的,還要記得不要像我,心諗每款試一條,都唔過份喔!咁就大鑊了,食腸都飽了😭。 臺灣豆紙,在臺灣有食過,估唔到呢度都有,小朋友玩得開心,又食得開心。牛栢葉(較韌,夠牙力的朋友才好試喔😂)鴨血、響鈴及炸魚皮(都很脆)、牛肉類都唔錯。 加埋無限時任食(食就唔食得好多,但、不限時,可以唔駛趕頭趕命,聚會一流),食食吓果陣,仲話有羊腩煲送(提前一日訂位,滿6位就有得送),我們飽到都沒本事去試了,唔想浪費店主的食物,還是下次有機會再試好了。 飲品方面,都是任飲的(啤酒除外,飲酒果位就另加$30元,不知道我有冇記錯?最好即場問番店員。) 二百幾蚊位,食物有水準,又唔限時,環境都Ok,店員也很有禮貌,真係諗唔到有甚麼理由不再來!!! 繼續閱讀
(以上食評乃用戶個人意見 , 並不代表OpenRice之觀點。)
天氣涼,除火鍋🍲外,雞煲也是我所愛,想食得盡興,又不會俾時間限制?任食雞煲最啱心水啦今日搵食黎到大角咀,因為這家食雞,無錯係為左食雞,食店名稱正是 #食雞 ,最新出有 #芝士雞煲 、 #南薑雞煲 #養生正氣雞煲 #秘製椰香雞煲🧀🐔芝士雞煲先蓋好煮3分鐘,搞勻後再煮3分鐘即食得,雞件非常嫩滑,雞件份量足,芝士白汁濃郁,食完雞件,再煮菜和菇食,小朋友實鍾意❤️Nikki飽了,我們再試🌶🐔招牌川味雞煲辣度、花椒、芫茜、洋蔥🧅、大蔥、薑片可以選擇自己口味,辣度較強勁,原隻新鮮芝麻雞,雞肉彈牙,辣有後勁,辣得過癮食完雞,店員會加湯,可以食火鍋拼盤,點了蕃茄湯西班牙黑毛豬梅肉🐷,嫩滑有豬味;安格斯雪花肥牛🐮油脂分泌平均,油香爽口;韓國珍寶蟹棒🦀同小朋友前手臂一樣長;丸彈牙、菜🥬新鮮、扎肉片炸得更香任食 + 非酒精飲料🥤任飲,唔限時任點任食真的夠盡興😍,座位坐得舒適,環境乾淨寬敞,即叫即煮最新鮮,記得去飲品櫃攞菊花蜜,一揸可以幾個朋友分享,自家製少甜又清甜,解油膩解辣! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-23
0 瀏覽
食雞有新雞煲試。芝士雞煲南薑雞煲養生正氣雞煲秘製椰香雞煲一坐底,職員就拎一煲水開爐洗碗洗工具消毒,仲比搓手液我地用。之後就送上酸菜青瓜木耳同辣味牛肚。我就簡左養生正氣雞煲雞量足亦很滑,有蟲草花、紅棗、蓮藕片、豆卜、冬菇等配菜。蟲草花、豆卜好入味😍😍。之後還可以加雞湯做火鍋。火鍋材料都幾多,有2款肥牛:安格斯牛肩胛、安格斯牛小排,豬亦有2款:美國黑毛豬梅肉、西班牙黑毛豬梅肉。我偏愛安格斯牛肩胛同美國黑毛豬梅肉。另外有韓國珍寶蟹棒超長亦唔會散開,仲有巨型魚片頭,爽口彈牙,比較少見同特別既有美國車打芝士腸同美國健力士啤酒腸,前者好juicy,後者重酒味,愛酒之人可以試試。還設有自助蔬菜區、飲品區及甜品。原來仲可以外賣,肥牛梅肉真空pack好添。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-03-20
4 瀏覽
今晚放工同爸爸去大角咀買嘢,順便食埋飯。行過俾個”食雞”嘅招牌吸引左,見好耐無食雞煲就入咗去試試。原來係無限時間,任食任點任飲,每張枱之間都有一定距離,都坐得好舒服又唔會迫。未開始落order已經送上前菜,有辣味牛肚、酸菜青瓜,仲有荀片,超級開胃👍🏻睇到餐牌有幾款雞煲款式,全部即點即煮。職員推介叫我哋試個無咁濃味嘅秘製椰香雞煲,個煲一嚟到就嵌住蓋加熱計時3分鐘,打開蓋食得即刻聞到椰香味,裡面配料仲有椰子肉同埋栗子、芋頭,成件事感覺好泰式,啲雞都煮到好入味,真係愈食愈想食😝食完椰汁雞煲跟住再叫左個招牌川味雞煲,嚟得食雞煲都想食辣嘅🤪我地揀左個微辣程度,其實呢個煲真係好惹味,個汁好香有花椒八角,仲有好啱我呢個配菜王嘅莞茜、洋蔥同蒜片🤣仲可以揀邊啲配菜多啲少啲,自由配搭。而啲雞响呢個煲肉質好似仲嫩滑喎,正!其實食完兩個雞煲都飽左6成,所以我又去行吓,响自助區攞吓蔬菜放火鍋 。啲菜係要放响個花盤入面,又幾搞鬼喎,係咪會顯得新鮮啲呢😝。職員幫我哋加湯後,就開始拾吓拾吓啦😌我哋叫咗幾款火鍋食物,個安格斯肥牛滾兩滾就食得....係入口即溶,啲韓國珍寶蟹捧條條都有成隻筷子咁長,仲有啲巨型魚片頭超大粒、爽口又彈牙😋但要特別推介一下個美國健力士啤酒腸,睇落去似普通腸一條,點知原來咬落去真係食到陣啤酒味,第一次食感覺好神奇😋通常最後都食返個甜品做總結,普通啫喱加淡奶,絶配👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)