The BASE (已結業)

觀塘既樓上cafe越開越多，今次黎到豐利中心既the base，去到門口已經俾簡約既裝修吸引左，係走小文青路線既一間cafe。同朋友叫左一份牛肉漢堡配脆薯格同黑松露火腿芝士多士，漢堡包配薯格，薯格唔多，但本身漢堡扒非常足料，所以一個人食夠飽有餘。漢堡扒食落有好香既新鮮牛肉味，唔鞋口亦唔痴牙，不過個人覺得如果再生少少會更好味。另外再叫左一杯玫瑰latte同雲呢嗱latte，玫瑰latte一聞已經有好濃既花香味，latte本身mixing做得好，飲起黎口感順滑而且帶奶既甜味，加左玫瑰都同樣好好飲。黎到必試系列黑松露芝士火腿多士配沙津菜。由於自問係黑松露控，凡係餐牌上出現黑松露都會被列入必試。回到正題，多士剛到步既時候，黎遠已經聞到好香黑松露味，加分！多士既香脆，芝士既半溶狀態、跟黑松露絕配。沙津菜配以黑醋為調味，中和粥芝士的飽滯感，不錯。但溫馨提示，必須快吃，凍了味道會減了些。