影片
更多
2018-08-24
15 瀏覽
經過九龍城見到有間餐廳個招牌有隻3D立體龍蝦，幾得意咁，好吸睛，所以就入咗去食。佢呢度最特別嘅係食米線泡飯，每款湯底都好似好俾心機去烹調，用豬肉呀用蝦呀都熬過，鍾意飲湯既我都幾期待。佢有樣好特別既就係可以用$50加半隻龍蝦，呢個配搭對於食泡飯米線真係好少見。呢度係用tick紙仔方式點菜嘅，你只要揀啱自己想食嘅嘢，就可以叫侍應收張紙。湯底方面有招牌蝦匠湯底，冬陰公蝦湯，清湯等等。黎到蝦匠梗係要飲蝦匠湯底啦，餐牌上佢寫住有小辣，然後自己多手tick左走辣啦，結果就變咗清湯，不過唔緊要，食得清啲，個湯帶有鮮甜嘅味道，清清甜甜都幾好飲。其實佢本身都會包左啲餸，例如扎肉，魚片，豆卜，芽菜，蝦。如果有其他餸你都可以加錢要，咁我今次就貪心咗少少，加咗半隻龍蝦，花膠，蝦匠滑，魚腐，同埋生菜，一次過試曬想食既野。嚟到嗰時份量好充足好大碗啊，啲餸都好足，材料亦都新鮮，龍蝦好味呀，啲肉幾好咬，個蝦頭仲有好好蝦膏添，如果配泡飯應該一流，絕配！除此之外，仲嗌左幾個小食同朋友share:蝦少 $38呢個其實係蝦多士嚟嘅，好脆多士上鋪滿左又厚又多幾下既蝦滑，足料㗎，啲蝦滑係鋪到去多士邊咁多，old school得黎
佢呢度最特別嘅係食米線泡飯，每款湯底都好似好俾心機去烹調，用豬肉呀用蝦呀都熬過，鍾意飲湯既我都幾期待。佢有樣好特別既就係可以用$50加半隻龍蝦，呢個配搭對於食泡飯米線真係好少見。
呢度係用tick紙仔方式點菜嘅，你只要揀啱自己想食嘅嘢，就可以叫侍應收張紙。湯底方面有招牌蝦匠湯底，冬陰公蝦湯，清湯等等。黎到蝦匠梗係要飲蝦匠湯底啦，餐牌上佢寫住有小辣，然後自己多手tick左走辣啦，結果就變咗清湯，不過唔緊要，食得清啲，個湯帶有鮮甜嘅味道，清清甜甜都幾好飲。
其實佢本身都會包左啲餸，例如扎肉，魚片，豆卜，芽菜，蝦。如果有其他餸你都可以加錢要，咁我今次就貪心咗少少，加咗半隻龍蝦，花膠，蝦匠滑，魚腐，同埋生菜，一次過試曬想食既野。嚟到嗰時份量好充足好大碗啊，啲餸都好足，材料亦都新鮮，龍蝦好味呀，啲肉幾好咬，個蝦頭仲有好好蝦膏添，如果配泡飯應該一流，絕配！
除此之外，仲嗌左幾個小食同朋友share:
蝦少 $38呢個其實係蝦多士嚟嘅，好脆多士上鋪滿左又厚又多幾下既蝦滑，足料㗎，啲蝦滑係鋪到去多士邊咁多，old school得黎又幾好。
蝦匠拼盤 $33因為想試幾個小食所以就帶咗呢個拼盤，拼盤有雞翼，粉絲皮春卷同花枝丸，最鍾意食佢個粉絲皮春卷，入邊係有啲芋頭蓉咁樣嘅，出面炸到脆脆的，岩岩炸起熱辣辣。
皮蛋 $20要咗蝦匠口味，佢係麻辣味咁，但係唔會話好辣，再加上有啲芫荽，幾有風味。
飲品方面嗌左佢哋嘅特飲檸檬天葵花，幾清甜，少少酸咁，仲見到啲檸檬肉添，好足料下。
張貼
