75
4
5
付款方式
現金
其他資料
Wi-Fi
酒精飲品
電話訂座 詳細介紹
加一服務費
電視播放
食評 (90)
等級2 2019-04-19
110 瀏覽
龍蝦冇食評中講得咁好食和大隻,肉身已煮到縮哂水和鞋。另外,花膠和魚符都好明顯只係齋用水/清湯煲熟就算,冇汁醬味好似車仔餸咁有味。而個湯,淡而唔夠味。反而最好係個小食拼盤,佢哋只需要炸熟佢啫,冇死~仲有,張椅,一d都唔舒服!我諗一般正常成年人個pet pet都大過將椅呀,絕對係一張趕客椅!做樓面的一男一女,可能係老板和老板娘,雖然好明顯係生手,但好努力咁為客人提供服務 👍🏽 但溫馨提示:做飲食服務時,應著返適合嘅衣著,唔係米白色嘅西裝,亦唔係返office工嘅衣著。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-16
75 瀏覽
👭蝦匠(九龍城)👭1⃣冬陰公蝦湯摻摻 $48比平時既冬陰公湯淡d,但都好香椰汁味同有淡淡既蝦味😚,雖然湯無咁濃但個酸味都足夠,辣味就反而唔太覺,配上摻摻(即油麵+米粉)都幾夾。配料方面都份量好足,但我個人覺得魚片無咩鮮味😰2⃣招牌蝦湯摻摻 $48個湯頭好有蝦味,但佢係唔辣既。如果有朋友想食辣,我建議問老板拎一隻用蝦醬炒既醬,加落湯到將個湯頭變得更滋味🤪,配料同麵既份量都好多,不過扎肉味道較淡。3⃣招牌蝦湯配龍蝦半隻摻摻 $88呢款麵岩哂鍾意食龍蝦既朋友。佢其實就係招牌蝦湯既配料再加半隻龍蝦,即係加$40就有龍蝦食😱平時街市一隻龍蝦都要$100左右啦,呢個就真係性價比好高啦,又多肉又有膏,不過呢我就覺得隻龍蝦煮得老左少少,如果可以控制個時間好d就perfect喇🤪🤪4⃣蝦蝦霸霸 $68呢隻其實係炸蝦餅,佢同一般泰國餐廳唔同既地方係佢成塊拎去炸,而唔係製作成一件件咁😳。蝦肉質地都爽口彈牙,但厚度就比一般蝦餅薄一半,所以蝦味唔夠濃郁,有少少比炸粉搶左風頭。5⃣粉絲皮春捲(4條) $28即叫即做所以好熱,要小心d慢慢食。個網皮好薄好脆身,但就細舊左d,所以食完都唔會好有滿足感😖。💡以上係午餐價,晚市好似價錢有少少唔同的。另外學生買$40以上既麵都有飲品送,有學生證既朋友記得帶埋張證去幫襯啦😂推薦度: 7.5/10🏠九龍城福佬村道20-22號學林軒地下A舖🕐12:00noon-11:00pm 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-24
69 瀏覽
餐廳位置離九龍城廣場好近,餐廳環境可以。二人座位在水吧對面,員工走來走去,稍為迫一點,坐得不太舒服,如果四人座就舒適多了。員工服務態度很好,會介紹菜單,有禮貌,招待不錯。食物方面強差人意,招牌蝦湯底很淡(但加了辣醬後惹味不少),半隻龍蝦細得可憐,一啖食完,味道也不出色!麵份量也足夠,但是$100一碗似車仔麵的淨龍蝦麵來說不值。衹此一次,可以不試,九龍城有太多其他更好的選擇。總括來說,如果以$100吃一碗車仔麵,不值。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-04
88 瀏覽
路過幾次都未有時間食 今天終於有機會試下個下午茶 ,下午茶時段冇乜人 都唔使等位, 蝦湯底幾好, 加埋春捲 都好好食 ,下午茶好抵食,但係感覺似食車仔麵 ,有機會會試下晚餐。 不過晚餐88蚊一個車仔麵真係有啲貴。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-23
92 瀏覽
行過見到好多人係度打邊爐,一人一窩果種。本身都想試下打邊爐,不過又見到佢有另一個menu係食湯麵之類。價錢同邊爐差唔多,不過睇相就好似吸引好多最後叫左個招牌龍蝦湯面,差唔多成一百蚊架, 不過好似隻龍蝦都唔細。個麵上到黎都算收貨,隻龍蝦都幾大隻,仲俾埋較剪同手套你方便你食。個湯就係龍蝦湯,配番滲滲,有d似食喇沙嘅感覺。仲叫左個小食拼盆,$35蚊度,又幾抵。不過小食就炸得乾左小小,但味道都惹味嘅。整體黎講質素都想唔錯,下次食番個一人煱先。 繼續閱讀
(以上食評乃用戶個人意見 , 並不代表OpenRice之觀點。)