1988 (已結業)

嚟呢度食之前睇到入面有咁多好評，以為真係好食到天上有地下無。嚟咗之後，我覺得第一樣嘢，價錢幾貴。上菜後，覺得第二樣嘢，份量好少。叫咗個咖哩飯，我覺得唔係難食，但係真係絕對唔會話講到非常好食。我覺得真係好普通，同其他普通泰國餐廳其實差唔多。個分別係，呢間餐廳啲裝修真係幾靚，啲碗碗碟碟都好靚，坐得都幾舒服。不過，好坦白講，我未必會再嚟多一次，因為我注重食物嘅味道，同質素，多過個樣。 計返埋個價錢，唔係好值。