影片
更多
2024-12-14
256 瀏覽
介紹返💁🏻♀️。。🇯🇵 居酒屋 在太古 🇯🇵。丸丸 洋食居酒屋 bistro MARU MARU。太古城星輝台金星閣地下G1019號舖。二段低溫油吉列豬排Tonkatsu+ Deep-Fried Pork Loin。HKD148 + 10% @ 定食。HKD128 + 10% @ 每件焗蟹膏蟹肉配黃金多士條Crabmeat & Crab Miso Gratin。HKD88 + 10%帆立貝刺身 Scallop。HKD63 + 10%赤蝦刺身 Red Shrimp。HKD53 + 10%雞皮串燒 Skin / 豬五花串燒 Pork Belly。HKD28 + 10% 番薯串燒 Sweet Potato。HKD25 + 10% 翠玉瓜串燒 Zucchini。HKD18 + 10%🤫 尋晚約咗阿V喺太古城呢邊食飯談心..講緊嘅就係呢間叫做丸丸嘅洋食居酒屋..丸丸係地舖嚟嘅..喺Apita對開嗰個金星閣..即係郵局隔離..如果熟悉太古城嘅朋友應該知我講緊邊度😉🤫 呢個地方都算係幾大..好鍾意佢哋深木色系嘅桌椅裝潢..每張餐桌都有一定距離..私人空間充足..傾偈傾得耐啲都唔會覺得太過阻住人嗰種.
。
。
🇯🇵 居酒屋 在太古 🇯🇵
。丸丸 洋食居酒屋 bistro MARU MARU
。太古城星輝台金星閣地下G1019號舖
。
二段低溫油吉列豬排
Tonkatsu+ Deep-Fried Pork Loin
。HKD148 + 10% @ 定食
。HKD128 + 10% @ 每件
焗蟹膏蟹肉配黃金多士條
Crabmeat & Crab Miso Gratin
。HKD88 + 10%
帆立貝刺身 Scallop
。HKD63 + 10%
赤蝦刺身 Red Shrimp
。HKD53 + 10%
雞皮串燒 Skin / 豬五花串燒 Pork Belly
。HKD28 + 10%
番薯串燒 Sweet Potato
。HKD25 + 10%
翠玉瓜串燒 Zucchini
。HKD18 + 10%
🤫 尋晚約咗阿V喺太古城呢邊食飯談心..講緊嘅就係呢間叫做丸丸嘅洋食居酒屋..丸丸係地舖嚟嘅..喺Apita對開嗰個金星閣..即係郵局隔離..如果熟悉太古城嘅朋友應該知我講緊邊度😉
🤫 呢個地方都算係幾大..好鍾意佢哋深木色系嘅桌椅裝潢..每張餐桌都有一定距離..私人空間充足..傾偈傾得耐啲都唔會覺得太過阻住人嗰種..整體好有日本家族小餐廳嘅嗰種小溫馨風味🏠
🤫 嘢食方面..餐廳嘅侍應姨姨推介我哋試佢哋出名嘅二段低溫油吉列豬排同埋好受歡迎嘅焗蟹膏蟹肉配黃金多士條..老實講真係好耐冇試過有餐廳侍應主動俾Recommendations啦..所以我哋即刻好聽話咁樣落咗呢兩個Order..其次我哋就各自揀咗自己鍾意食嘅串燒同埋兩份刺身..以上就係我哋成個晚餐嘅項目嘞～
🤫 最先上枱嘅係串燒系列..阿V揀嘅豬五花燒得好甘香..肥瘦有序..加上胡椒同埋鹽嘅調味..味道相當唔錯..而我自己就覺得我嘅燒雞皮更加略勝一籌🤪雖然呢度嘅串燒雞皮唔係我平時最鍾意攤開嚟燒嗰種..但到一樣燒得均勻..每片雞皮嘅每一個角度都係照顧得到..整串都係咁香脆惹味嘅👍🏻
🤫 再嚟另外兩個串燒..分別係翠玉瓜同埋番薯..蔬菜類嘅串燒最講求就係燒得香之餘仲可以鎖住食材入邊嘅水份..丸丸呢度嘅師傅都拿捏得好好..當然食材夠新鮮嘅話就事半功倍啦～
🤫 然後就去到我哋呢晚嘅主角二段低溫油吉列豬扒定食..同傳統吉列豬扒店食到嘅一樣..豬扒旁邊都會放有一大堆嘅生椰菜伴碟..用以調節吉列豬扒嘅熱氣同埋解油膩🥗除此之外成個定食都配有沙律白飯麵豉湯..吉列豬扒醬汁同埋一碟細細碟嘅前菜
🤫 其實我平時都少食吉列豬扒..因為唔係吉列專門店食到嘅吉列豬扒好多時都係又柴皮又厚粉🤯但係丸丸嘅吉列豬扒有驚喜喎🤩唔知係咪佢哋呢個特別嘅二段低溫油製作方法..令到佢哋嘅吉列豬扒雖然個炸粉都唔係話好薄但就充滿口感相當鬆化..而且我發現佢哋揀嘅呢塊豬扒係帶有少少肥膏..令到豬扒炸嘅時候自帶油份亦都能夠保持水份..所以入口起上嚟就連塊豬扒自己嘅彈性都好好..有咬口得嚟又唔會係韌口👍🏻我拍心口講句～呢度嘅吉列豬扒係媲美正宗吉列豬扒專門店嘅質素嘅～
🤫 再嚟就要介紹個人推舉嘅整個晚餐嘅MVP.. 焗蟹膏蟹肉配多士條~蟹肉蟹膏同埋芝士一齊焗..味道幾濃郁🤤而且嗰個小小嘅焗碗入邊喺壓實咗大量嘅蟹肉蟹膏真係一啲都冇孤寒.. 配埋佢哋嗰條細細條烤焗得好金黃香脆嘅多士條真心冇得彈😉呢個係必食推介
🤫 最後刺身方面..老實嘅..價錢略貴..但係勝在夠新鮮..就連阿V一放粒帆立貝落口都大讚鮮甜..帆立貝同埋赤蝦各自應有嘅爽口甜美都達到好高分嘅水平
🤫 我哋呢兩個老少女就已經過咗摸酒杯底談心嘅年齡㗎啦..所以食到咁上下就開始摸住個茶杯嚟傾偈..開頭都有啲擔心會唔會阻住人哋餐廳做生意..因為坐落都見到出出入入好多食客嚟幫襯..但又好感恩餐廳侍應姨姨一啲臉色都冇俾過我哋..由得我哋隨便傾之餘仲會適時過嚟添茶..呢度都好想感謝一下佢友善嘅服務態度..令到成餐飯都加咗分💯太古鰂魚涌一帶嘅朋友仔..我推薦你過嚟試吓🤝🏻
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
張貼
