影片
更多
2023-02-21
68 瀏覽
介紹返💁🏻♀️。。🇭🇰 鋸扒 在旺角 🇭🇰。吃扒 ChiBa。旺角豉油街108地舖。熱熔芝士紐西蘭牛柳 Cheesey New Zealand Steak。HKD198 + 10%鐵板 配 意粉 Pasta / 飯 Rice / 薯菜 Veggie 配 黑椒汁 Black Pepper Sauce / 蒜蓉汁 Garlic Sauce / 洋蔥汁 Onion Sauce / 紅酒汁 Red Wine Sauce 加配 HKD25 湯。餐包。甜品。餐茶With Soup。Bread。Dessert。DrinkAdditional HKD25 炸椰菜花配煙肉酸忌簾Fried Cauliflowers with Bacon and Sour Cream。HKD78 + 10%煙三文魚牛油果水牛芝士沙律Smoked Salmon。Avocado。Mozzarella Salad。HKD82 + 10%雪糕菠蘿冰Pineapple Sparkling with Ice Cream。HKD38 + 10%有機蘋果醋梳打Apple Cider Vinegar Soda。HKD38 + 10% 🤫
。
。
🇭🇰 鋸扒 在旺角 🇭🇰
。吃扒 ChiBa
。旺角豉油街108地舖
。
熱熔芝士紐西蘭牛柳
Cheesey New Zealand Steak
。HKD198 + 10%
鐵板 配
意粉 Pasta / 飯 Rice / 薯菜 Veggie
配
黑椒汁 Black Pepper Sauce /
蒜蓉汁 Garlic Sauce /
洋蔥汁 Onion Sauce /
紅酒汁 Red Wine Sauce
加配 HKD25 湯。餐包。甜品。餐茶
With Soup。Bread。Dessert。Drink
Additional HKD25
炸椰菜花配煙肉酸忌簾
Fried Cauliflowers with Bacon and Sour Cream
。HKD78 + 10%
煙三文魚牛油果水牛芝士沙律
Smoked Salmon。Avocado。Mozzarella Salad
。HKD82 + 10%
雪糕菠蘿冰
Pineapple Sparkling with Ice Cream
。HKD38 + 10%
有機蘋果醋梳打
Apple Cider Vinegar Soda
。HKD38 + 10%
🤫 情人節先至同飯腳仔去鋸扒冇耐..啱啱嗰個Sunday我嘅親愛的SuSu又話睇中咗一間扒房想試喎..想試咪去囉～我都話我係順得人嚟㗎啦..
🤫 原來佢想試嘅都係我美食小氣簿裏邊其中一間餐廳嚟㗎喎😲 我哋真係心有靈犀嘅啫～講緊嘅就係位於旺角同油麻地之間旺中帶靜嘅ChiBa..我哋Book咗六點位方便SuSu早啲食完早啲返屋企湊仔..咁都叫做好彩我哋Book咗咁早食..因為我哋七點幾食完嘅嗰陣時餐廳多人到爆炸..門外邊仲有好多人排緊隊
🤫 Okey Dokey..即刻介紹啲嘢食先..第一樣想介紹嘅就係好Surprise到我哋兩個嘅炸椰菜花配Sour Cream..當呢個Snack放上枱嘅時候我哋都驚咗一驚..啲椰菜花好似炸到咁熱氣咁嘅..點知食落口又係另外一回事喎..其實之前未食過炸椰菜花㗎..原來炸椰菜花嘅味道有少少焗薯咁嘅香味..但係口感依然係椰菜花一粒粒花嘅嗰種口感..真係好特別好吸引呀..冇諗過椰菜花本身冇乜味道都可以變成咁香口咁好食㗎..再加上面頭嘅炸到好香嘅煙肉粒粒同埋大量嘅Sour Cream..絕對係絕佳嘅配搭..簡直係一試愛上啊
🤫 咁因為我哋兩個都唔係話好肚餓..SuSu就提議我哋Share正常份量會偏小嘅鐵板牛柳..佢話平時出邊街食啲鐵板牛柳次次都係最少份量㗎..叫呢個冇死..一定唔會嘥嘢🤭 點知今次我哋失預算啊..呢度嘅鐵板牛柳勁大份囉..厚切仲要有兩大塊..雖然我哋叫咗Medium但係塊扒嚟到嘅時候應該有Medium Well..不過都唔緊要嘅..因為佢哋呢度嘅牛柳都好軟熟..而且肉味都OK..最正嘅就係唔使加錢就有SuSu慕名而嚟嘅熔岩芝士..(剩係得牛柳先至係唔使加錢㗎咋..其餘嘅如果要食熔岩芝士要加十八蚊) 睇住侍應姐姐將熱辣辣有火嘅熔岩芝士輕輕力咁樣倒落塊扒嗰度..簡直好似一個表演咁呀..我又點可能唔拍低佢先得㗎☺️ 芝士偏杰身..但係味道唔算話好濃..估計係類似Mozzarella呢一類淡口芝士調製而成..我哋叫嘅薯菜鋪滿咗蒜蓉汁同埋熔岩芝士食到我哋舔舔脷啊..不過份量之多..幾好味都食唔晒呀🥹
🤫 早知呢一份鐵板咁大份嘅話我哋就唔使另外再加多個沙律啦..不過份沙律係抵食嘅..八十幾蚊有大半嚿新鮮牛油果..仲有八九塊勁大片嘅煙三文魚同埋四五大嚿Mozzarella Cheese..蔬菜車厘茄新鮮就必然㗎啦..點埋佢哋附有嘅意大利醋非常之開胃..不過呢個份量應該係夠五六個人食㗎..我唯有唔做大嘥鬼將¾咁多嘅沙律拎返屋企第二日當Lunch食啦
🤫 全部主食都介紹完啦..咁其實除咗呢啲之外我哋都有加錢將鐵板牛柳變成Dinner Set..餐湯方面有得揀中式嘅豬骨湯或者羅宋湯..Haha..竟然唔係白湯或者紅湯咁樣😂 SuSu就揀咗紅湯..佢話個湯都幾香幾足料..唔會係稀流流嗰種..然後餐廳都貼心咁樣將餐包翻熱先至送上..至於飲品方面..SuSu強烈推介佢揀嘅雪糕菠蘿冰..佢話個雪糕都係菠蘿味㗎..呢個位真係好值得讚..你知啦出邊通常咪隨便搵個雲呢拿雪糕俾你食下咁樣..點會咁好配返個菠蘿雪糕俾你㗎..就係因為呢個菠蘿味嘅雪糕成件事生色不少..而我揀嘅蘋果醋梳打勁足料😂 個醋夠酸夠醒胃
🤫 最後都輕輕講下餐廳環境啦..其實ChiBa舖頭仔唔算太大不過座位都算係好寬敞舒適..燈光就係偏微弱..好鬼Romantic嗰種..絕對適合小情侶嚟呢一邊卿卿我我..而且食物上菜速度都非常之快..侍應哥哥姐姐服務都OK..有機會經過旺角油麻地呢一邊諗唔到食咩可以試吓佢喎
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
張貼
