影片
更多
2022-12-14
136 瀏覽
介紹返💁🏻♀️。。🇯🇵 日式燒肉 在將軍澳 🇯🇵。和牛燒肉一郎 Wagyu Yakiniku Ichiro。新都城中心2期1樓1040-41號舖。燒肉放題 Course C-日本黑毛和牛4款 。和牛里脊肉。和牛薄炙里脊肉。和牛薄炙壽喜燒里脊肉。和牛牛肉角切-精選牛肉25款 特選牛肋肉。特選牛肋條。特選薄炙牛肋肉 。特運牛里脊肉。特選薄炙牛里脊肉。牛助肉。牛肋條。秘製味噌牛肋條。BBQ風味牛助條。薄炙牛肋肉。牛里脊肉。薄安牛里脊肉。牛外横膈膜。牛肉角切。秘製味噌牛肉角切。BBQ風味牛肉角切。牛肋肉角。兩色蔥花牛舌。薄切上等牛舌芯。壺漬牛肋肉。極上厚切牛舌。特上牛舌棒。薄交蔥花牛舌。大判壽喜燒牛里脊肉。熟成壺漬牛外横膈膜-牛肉刺身4款 / 生牛肉壽司2款 / 日本豚肉6款 / 豚肉8款 / 雞肉4款 / 海鮮9款 / 野菜10款 / 其他38款。HKD598 + 10% @ Weekdays。HKD648 + 10% @ FRI - SUN & PH。HKD388 + 10% @ Kids🤫 尋晚一放工就同飯腳仔過寶琳拍拖睇戲..睇完八點半左右..惆悵緊食乜好嘅時候遠遠見到有隻黑色嘅牛喺前
。
。
🇯🇵 日式燒肉 在將軍澳 🇯🇵
。和牛燒肉一郎 Wagyu Yakiniku Ichiro
。新都城中心2期1樓1040-41號舖
。
燒肉放題 Course C
-日本黑毛和牛4款
。和牛里脊肉。和牛薄炙里脊肉。
和牛薄炙壽喜燒里脊肉。和牛牛肉角切
-精選牛肉25款
特選牛肋肉。特選牛肋條。
特選薄炙牛肋肉 。特運牛里脊肉。
特選薄炙牛里脊肉。牛助肉。牛肋條。
秘製味噌牛肋條。BBQ風味牛助條。
薄炙牛肋肉。牛里脊肉。薄安牛里脊肉。
牛外横膈膜。牛肉角切。秘製味噌牛肉角切
。BBQ風味牛肉角切。牛肋肉角。
兩色蔥花牛舌。薄切上等牛舌芯。
壺漬牛肋肉。極上厚切牛舌。特上牛舌棒。薄交蔥花牛舌。大判壽喜燒牛里脊肉。
熟成壺漬牛外横膈膜
-牛肉刺身4款 / 生牛肉壽司2款 / 日本豚肉6款 / 豚肉8款 / 雞肉4款 / 海鮮9款 /
野菜10款 / 其他38款
。HKD598 + 10% @ Weekdays
。HKD648 + 10% @ FRI - SUN & PH
。HKD388 + 10% @ Kids
🤫 尋晚一放工就同飯腳仔過寶琳拍拖睇戲..睇完八點半左右..惆悵緊食乜好嘅時候遠遠見到有隻黑色嘅牛喺前邊..望真啲..原來係間好似幾高級嘅日式燒肉店..橫掂諗唔到食啲乜好..一於就試一試佢啦
🤫 講緊嘅就係位於新都城中心地鐵電梯連住嗰層嘅和牛燒肉一郎..侍應姐姐帶我哋入去坐嗰陣發現都唔少人喺度燒緊肉個喎..後尾先發現原來佢哋搞緊宵夜時段四人八折優惠..啱啱就係八點半開始..怪唔之得咁多四人一枱啦
🤫 咁我哋就揀咗呢度中高價錢嘅Course C試吓..然後侍應叔叔好快就將幾盒嘢拎過嚟放上枱..原來除咗一百一十款任食之外..仲有一架船一個木桶..一個盒同埋一個寶箱🤪..擺得好靚㗎..五顏六色咁樣..非常打卡able..等我逐樣介紹吓先
🤫 第一個介紹嘅就係嗰個神秘寶箱..聽講話係是日精選咁話喎..我哋哩份就係一塊好大塊嘅和牛西冷..侍應叔叔問我哋使唔使幫手..喂～梗係最好不過啦..望住侍應叔叔純熟嘅手勢.. 三兩下手腳就已經搞掂咗塊西冷再分成四大件..呢個西冷真係非常唔錯..有入口即溶嘅感覺之餘牛味香濃..飯腳仔話食到舔舔脷啊..不過好可惜..和牛西冷係冇得Encore 㗎🤭
🤫 然後架船呢就乜都有啲咁啦..豬牛雞同埋兩隻大蝦兩隻帆立貝..仲有一啲南瓜同埋菇菌類..要讚一讚啲蝦同埋帆立貝相當新鮮..隻蝦仲夠晒大隻同彈牙添呀
🤫 再嚟就係嗰個五顏六色嘅日式禮盒..咁叫得做和牛燒肉一郎..牛嘅款式種類梗係多不勝數啦..什麼牛肋肉..牛里脊..牛外橫膈膜..牛舌樣樣有啲..除咗牛舌我食得出之外😳..其他各個牛嘅部份真係唔係點識分..淨係知道全部牛肉味都相當唔錯..口感亦都好好..全部都係新鮮貨色
🤫 最後嗰個木桶..又係唔同部位嘅牛同埋唔同調味嘅雞..總之就係比到大家好豐盛嘅感覺架啦..然後啲雞肉都幾嫩滑架..飯腳仔變身大廚將啲雞同埋牛煮到啱啱好..之後我就可以啖啖肉嘞
🤫 其實淨係上邊四份特色拼盤都已經夠我飽咗八成..但係冇理由唔用個QR code開個Menu出嚟睇吓有咩特別嘢㗎嘛..我必須強烈推薦大家試吓佢哋嘅大判壽喜燒牛里脊肉..呢隻牛里脊肉薄切..一開始我哋都唔識點樣煮佢..然後侍應叔叔見到我哋捩咁棄就即刻出手..原來呢一類薄切只要好好咁攤開佢燒到七八成收乾水就可以慢慢擰去另外嗰邊燒..然後三秒後就食得㗎啦..呢個壽喜燒配埋溫泉蛋..簡直係一流呀..肉質滑溜.. 牛味又香..真心必食
🤫 我哋另外仲試咗青口啦..蒜蓉牛油帆立貝啦..牛肋肉角同和牛薄灸里脊肉等等..全部質素都非常之高..一般嘅燒肉放題絕對冇得比..仲有喎..有樣嘢竟然可以令飯腳仔咁飽嘅情況底下都要Encore ..就係蛋花湯啦～佢話呢個湯味道啱啱好..而且夠晒熱辣辣..食住燒肉飲啖湯簡直係Perfect..佢今日仲喺度後悔緊點解唔試埋個蛋花湯泡飯㖭啊🤭
🤫 除咗上面啲肉肉肉之外..呢度仲有啲韓式Kimchi冷盤..我哋就試咗韓式嘅冷菠菜同埋芽菜..仲有明太子薯仔沙律..樣樣都咁好味都唔知點算好..仲有喎..連調味醬汁都有好多隻選擇..我有試薑蔥醬同埋沙茶醬..各有特色..最緊要係乾淨衛生啊嘛..佢哋就好似壽司郎咁樣用運輸帶將嘢送到嚟我哋面前.. 而更甚嘅係呢度仲有幕門..嘢食嚟到撳個掣先至開門去拎..真係令人安心又放心
🤫 仲有仲有..外邊個Salad吧..有好多種蔬菜選擇..應有盡有..同埋呀..竟然有Popcorn食㗎呢度..然後啲嘢飲先至黐線..除咗有各種汽水之外..仲有四種自製果茶..同四種果汁..竟然仲要有我最鍾意飲而且勁少見嘅白桃汁啊..我飲咗四杯啊撞鬼～嘢飲瘋狂之外..甜品都好瘋狂..五種自家製嘅小甜品再加五種明治雪條..喂呀..嗰隻白桃烏龍雪條真係好味到..今次唔肥就有鬼啦
🤫 差啲唔記得講..夠膽食和牛刺身嘅你..千祈唔好錯過呢度嘅和牛刺身同埋壽司呀
。。
翻兜指數：🙆🏻♀🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
張貼
