利強記北角雞蛋仔

營業中

休息中

九龍人難得出香港區，剛好又經過北角呢間賣雞蛋仔賣到出哂名既鋪頭，為食妹為食所以買1底一試有幾好味…炎炎下午，喺鋪外排隊時望入去鋪裏真係有好多整雞蛋仔既餅模，加加埋埋起碼都有10個，如果多人時應該更快有得食。等咗10mins終於買到馳名雞蛋仔。熱辣辣的雞蛋仔不能即刻入口，吹咗一吹，就食第一粒…雞蛋仔表面很硬但脆，好似食緊薯片咁，內裏有一丁點餅肉軟綿綿的。但味道就好甜仲帶點香蕉味，食咗幾粒喉嚨開始起痰。雞蛋仔好快無咁熱，食啲雞蛋仔就越嚟越硬身了，所以試過就算。