Patio 88 (已結業)

一直都無心機寫食評, 但今晚食過餐真係想同大家分享一下!話說外母係團購見到呢個西餐好似幾好, 又有名人推介, 又有頭盤任食, 一於父親節去試下!頭盤話任食, 但疑似經理話每次只可點一款, 食完第一round之後要食晒所有野先可以再點, 以免浪費, 此舉亦可接受, 但係最終發覺原來係奸計! 因為限時2小時, 但係成餐飯等到全家人恰晒眼訓, 因為大家都等得好肚餓, 所以食得都幾快, 但係再三催促下都要個半鐘先上到甜品, 得返半個鐘先可以order 頭盤! (等陣再講點解禁肚餓!) order 完又等, 其實即係唔俾你再 order 囉! 感覺被搵笨同埋間餐廳真係好 cheap!講返食物質素:頭盤因為一行6人, 可以係僅有既時間試齊5款青口: 超咸!焗蠔: 比蠔餅用既size略大!串燒, OK!鴨胸salad, 鴨胸"淋", good!seafood pancake, OK!主菜超失望!燒豬骨: 咸"火農"乾少, 講晒!薄牛扒: 咸鞋, 總之唔好食!講真大X樂既鐵板餐一定好食好多!所以禁肚餓囉!!!甜品大堆頭但美心西餅仲好食好多囉!以加埋一$180來講, 絕對係搵晒笨! 試過一次, 永無下次