家嫂一家大小

營業中

休息中

今日終於能夠去勁難訂位嘅家嫂打邊爐。。好失望。。認真，服務係還可以，但食物質素，真是不敢恭維。呢個玩法，食物嘅次序，係幾得意，幾有gimmick ！未去過嘅話，先會同你講解一般嘅流程，不過，同之前去過嘅朋友一樣，佢會講明例如下午3:00 last order，3:30要交枱，4:00一定要清場！不過，其實我哋食到3:10，侍應們已經攞住個垃圾桶，收晒你枱面上所有嘅嘢！刺身，勁一般。even 就算可以再叫，都唔會。點心，幾特別，但唔可以話好好食。雞煲，我哋叫咗小辣，好食既。花膠火鍋，湯底幾好，菜幾新鮮，三色手打丸白色最好食，餃子還可以，海鮮嘅貝殼類同魚還好。豬牛超唔掂，蝦同鮑魚是梅的(要吐)，響鈴難食到嘔(要吐)！嘢飲專區同埋調味料種類較多，有凍熱飲品，同雪條。Last call 侍應問我哋有冇嘢想要，我即刻答，無！其實，我真係未試過去任食嘅地方，係完全唔會encore 囉！我唔會話好伏，但係試過一次就唔會返去。