譚仔三哥米線 (形點 II)

營業中

休息中

朋友last day，黎左食佢最鍾意嘅譚仔，六點黎已經勁多人等位，排外賣嘅人係碼有十個，超誇張。等左十零分鐘終於有位，朋友話試下佢個新鴨血米線，我自己就照舊點個五小，咁話晒last day，豪少少叫多兩個小食。我個米線到啦，魚腐冬菇五小辣，朋友仲比左舊鴨血我試下。今日個五小淡左啲覺得唔辣，下次叫三小？朋友個鴨血要清湯，因為佢會加炸醬變成撈米線咁食，好奇怪吧，個炸醬唔加落米線，係將啲米線夾落兜炸醬度食，佢話咁先原汁原味，個鴨血呢，可能係清湯嘅關係，我覺得無乜味之餘仲有啲腥，個人黎講應該唔會再叫。小食叫左大土匪同麻辣豬耳，呢兩樣無失準仲係咁好食。