影片
營業時間
今日營業
10:30 - 22:00
星期一至日
10:30 - 22:00
以上資料只供參考, 請與餐廳確認詳情
相信大家都有食過譚仔三哥，但呢間係我去得最多次嘅一間🙌🏻啲服務最佳！佢哋米線嘅煙靭程度同埋湯底覺得係食過最好，所以每次想食都會去呢一度食！1. 湯底今次我哋分別揀咗（5小）同（中辣），覺得佢哋嘅麻辣比例係做得啱啱好，你係食到佢哋唔係敷衍你！2. 配料5小嗰個我揀咗炸醬同埋腩肉，中辣揀咗雞肉同炸醬。3.服務記得譚仔姨姨比炸醬我嗰陣，佢發現啲炸醬唔係好夠，因為唔啱佢哋公司Standard，所以再補多一碗俾我！OMG！之前我都試過炸醬好似好少咁，但係有啲譚仔姨姨都唔會理係呢一間嘅嗰啲姨姨個個都係咁，又nice，服務又好好👍🏻整體嚟講，呢間譚仔無論係環境服務同埋嘢食都係100分㗎❤️
繼續閱讀
Lunch有少少趕時間，所以就試吓佢嘅撈薯粉，因為唔似湯麵太熱要食好耐，味道都唔差～～～~獨門三酸撈薯粉一人餐～配～彈滑燕餃～爽辣化骨仙掌～～～最少只可以揀～5小辣～～～$54~~~最驚喜係佢嘅酸辣汁係分開細碗俾你自己添加👍～～～味道唔錯，薯粉煮得夠透，仲好彈牙～～～今次用app仲有張券送咗個尖椒皮蛋～～～包埋嘢飲～呢個價錢，今餐都冇乜嘢唔滿意😊～～～
繼續閱讀
今日叫左3碗米線，兩碗冇事，小朋友嗰碗食左幾啖嘔話好硬，試食完先發現米線太硬，啲員工仲要行過黎笑，小朋友由鋪嘔到出面，講真好失望，冇服務，食物又做到咁，開心入去用餐，好失望離開，用餐後分享。
繼續閱讀
本身冇食過三哥下午茶，唔知道佢地有下午茶Menu，一入到去坐低阿姐已經攞住部機等緊我，我唯有點左佢擺喺枱面提供既餐牌有既選擇，見有個素食過橋米線就點黎食，我問阿姐加飲品幾錢，佢話10蚊我咪唔加，等左15分鐘，係菇菌湯底，餐牌上面寫濃湯，但係好淡，米線係冇味，啲料就正常味，有得選擇我唔想再食，除非有腸胃問題真係好適合食😑當我食飽俾完錢覺得好疑惑，就上網搵，原來係有下午茶（唔好意思我見識少），有得揀餸有野飲，但我掃一掃好多枱既餐牌，都唔見有放下午茶餐牌，舖面同門口都冇貼出黎，我唔係熟客我真係唔知😮💨如果阿姐提下我都好呀，又唔好食又貴又冇野飲🥲🥲🥲
繼續閱讀
今日經過yoho mall，隨便搵嘢食完返工，見到一間譚仔三哥，就入咗去幫襯。人唔算太多，仲有大把位坐，睇餐牌見到一款我未食過既菜式，叫酸菜湯好Duck Duck米線，49元一碗，個名都幾有趣，我叫咗一個我食開既10小辣，配咗一杯凍檸茶走甜。用手機點餐要先下載他們的譚仔三哥APPS，我不想下載所以叫了姨姨來點餐，等咗一陣米線就到，米線都係熱辣辣咁上枱，入面主要有煙燻鴨胸同鴨花腎，特別要提的是鴨花腎係挑成花形，咬落好有口感，好過隱，米線軟硬度適中，主配料酸菜亦好足夠，雖然是酸菜湯底，但我個人覺得湯底有啲啲咸咗，不過不太影響整體味道，飲品凍檸茶就普通冇乜特別。員工姨姨們服務態度都好好。
繼續閱讀